
ფრანგული ტური (Tour de France) გადამწყვეტ ფაზაში შედის და ყოველი ახალი დღე განსაკუთრებული გამოწვევაა მრბოლელთათვის. დაგროვებული დაღლილობა და გადამწყვეტი უპირატესობის არარსებობა უკიდურესად ძაბავს ნერვიულ ფონს, ძირითადი კონკურენტების მდგომარეობა სტრესულის ზღვარზეა.
ასეთ პირობებში იქნება ყოველი მომდევნო ეტაპი, ასეთი იყო რიგით მეთორმეტეც, რომელსაც ამ ყველაფერთან ერთად ამშვენებდა ლეგენდარული ფინიში მონტ ვანტუზე.
21,4 კილომეტრიანი აღმართი, საშუალო გრადიენტით 7,6% (12% მაქსიმალური), სიმაღლე ზღვის დონიდან 1912 მეტრი (ასვლის სიმაღლე 1639 მეტრი) ფრანგულ ტურში 1951 წლიდან გვხვდება. წლევანდელის ჩათვლით თექვსმეტგზის იყო ტურის მარშრუტში, აქედან 10 გზის მასზე ფინიშით. წელს ეტაპი 184 კილომეტრზე დაიგეგმა, სწორედ მონტ ვანტუზე ფინიშით, თუმცა რბოლამდე ორგანიზატორებმა, ზედა მონაკვეთზე ძლიერი ქარის გამო აღმართი თითქმის ექვსი კილომეტრით შეამცირეს და ფინიშის ხაზი სტარტიდან 178 კილომეტრზე დაწიეს.
ეტაპი მართლაც ისტორიული გამოდგა, მსგავსი არავის უნახავს.
პირველი შეიძლება ითქვას ინციდენტი ფინიშამდე 32 კილომეტრით ადრე მოხდა. ძირითადი ჯგუფის წინ დაეცა რამდენიმე მრბოლელი, მათ შორის სკაის გვარდიის წამყვანი სამთო ძალა. ფრუმი როგორც ჩანს მარტო დარჩენას, თანაგუნდელებიდან იზოლირებას დიდად უფრთხის. ამიტომ დაღმართზე ესაო და სანიტარული პაუზა მჭირდებაო და გზის კიდეს მიაშურა და გაჩერდა, პელოტონში დაუწერელი წესების მიხედვით ასეთ დროს ტემპს ანელებენ და ჩამორჩენილებს ელოდებიან. ასეც მოხდა, ფრუმმა კი თავისიანებს დაელოდა და მათთან ერთად წამოეწია პელოტონს. ამან დიდი აზრთა სხვადასხვაობა გააჩინა. ფინიშისკენ სიჩქარე აკრებილი თან დაღმართზე დაშვებისას ჯგუფის შენელება არნახულია და ძველ დროს გვახსენებს, ფრუმი მოიქცა როგორც ბოსი და ეს ბევრს არ მოეწონა. მომავალში შეიძლება მსგავსი აღარ გამეორდეს და მას არავინ დაელოდოს.
ამასთანავე, ამ დროს დღის დაწინაურებულებმა გადამწყვეტი უპირატესობა მოიპოვეს და ეტაპი სწორედ მათ გაითამაშეს, ბელგიელმა ტომას დე გენტმა კარიერაში ერთ-ერთი უდიდესი გამარჯვება მიითვალა და ეტაპთან ერთად მთამსვლელთა ნომინაციისათვის ქულათა მარაგიც დიდად გაზარდა რაც ამ ნომინაციის ლიდერის თეთრი წითელ ბურთულებიანი მაისურისათვის საკმარისი აღმოჩნდა.

14 July 2016
103rd Tour de France
Stage 12 : Montpellier – Mont Ventoux
1st : DE GENDT Thomas (BEL) Lotto – Soudal
Photo : Yuzuru SUNADA
როგორც მოსალოდნელი იყო საფინიშო აღმართზე დიდებმაც წამოიწყეს შეტევები, საბოლოოდ წინ სამნი დარჩნენ.

14 July 2016
103rd Tour de France
Stage 12 : Montpellier – Mont Ventoux
FROOME Christopher (GBR) Sky, Maillot Jaune
PORTE Richie (AUS) BMC
MOLLEMA Bauke (NED) Trek – Segafredo, at Mont Ventoux
Photo : Yuzuru SUNADA
ბრიტანელი კრისტოფერ ფრუმი, ავსტრალიელი რიჩი პორტი და ჰოლანდიელი ბაუკე მოლემა სავარაუდოდ მიღწეულ უპირატესობას აღარავის დაუთმობდნენ რომ არა ველოსპორტის ისტორიაში ერთ-ერთი გაუგონარი ინციდენტი.

14 July 2016
103rd Tour de France
Stage 12 : Montpellier – Mont Ventoux
FROOME Christopher (GBR) Sky, Maillot Jaune
PORTE Richie (AUS) BMC
MOLLEMA Bauke (NED) Trek – Segafredo, at Mont Ventoux
Photo : Pool
ორგანიზატორებმა ფინიშის ხაზი კი დაწიეს, მაგრამ საფინიშო ზონის სათანადოდ დაცვა ვერ შეძლეს. ვერ მოახერხეს ბოლო კილომეტრის სრულად შემოღობვა. ამის გარდა აღმართის მანძილის შემცირებამ შეამჭიდროვა გულშემატკივართა რიგებიც. შედეგად რბოლა უმჭიდროვეს ცოცხალ კორიდორში წარიმართა. ერთ მომენტში გულშემატკივარი ოპერატორის მოტოციკლის წინ აღმოჩნდა და ბუნებრივია მოტოციკლისტმა დაამუხრუჭა. ეს ისე სწრაფად მოხდა რომ შეჩერებულ მოტოციკლს ჯერ რიჩი შეასკდა შემდეგ კი მასთან ერთად დაწინაურებულებიც. რიჩიმ და ბაუკემ რბოლა სწრაფად განაგრძეს, ფრუმიმ ეს ვერ შეძლო რადგან მის ველოსიპედს მეორე მოტოციკლეტმა გადაუარა და რბოლისათვის უვარგისი გახადა.

14 July 2016
103rd Tour de France
Stage 12 : Montpellier – Mont Ventoux
FROOME Christopher (GBR) Sky, Maillot Jaune
Photo : Pool
მიხვდა რა, რომ დროს კარგავდა, გუნდის ტექნიკური ავტომობილი კი ხალხის სიმჭიდროვის გამო მალე ვერ მიაწვდიდა სათადარიგო ველოსიპედს ფრუმი აღმართს სირბილით აუყვა. ამანაც დიდი მითქმა-მოთქმა გამოიწვია. მალე ფრუმის ნეიტრალურ ტექნიკური ავტომობილიდან მიაწოდეს ველოსიპედი, რომელსაც მისთვის შეუსაბამო პედლები აღმოაჩნდა. ფრუმიმ წვალებით განაგრძო ამ ველოსიპედით რბოლა, თუმცა ამასობაში სკაის ავტომობილი წამოეწია და სათადარიგო ველოსიპედზე შესვა. ფრუმიმ დრო დაკარგა, მაგრამ რბოლის კომისრებმა მისი დრო გაანეიტრალეს და ბაუკეს დროს გაუთანაბრეს. ფრუმი ყვითელში დარჩა. მოგვიანებით კი ამ დროს მომხდარი დარღვევის შესახებ გახდა ცნობილი, ინტერნეტ სივრცეში გავრცელდა კადრები როცა ნაირო კინტანა მავიკის ნეიტრალური მოტოციკლის სათადარიგო ველო ბორბალს იყენებს აღმართზე ბუქსირად. კოლუმბიელი ხომ ფრუმის მთავარ კონკურენტად ითვლება.

14 July 2016
103rd Tour de France
Stage 12 : Montpellier – Mont Ventoux
FROOME Christopher (GBR) Sky, Maillot Jaune
QUINTANA Nairo Alexander (COL) Movistar, at Mont Ventoux
Photo : Yuzuru SUNADA
რა გადაწყვეტილებას მიიღებს ამასთან დაკავშირებით რბოლის კომისარიატი უცნობია. მაგალითისათვის გავიხსენებ, რომ შარშან მსგავსი ინციდენტის გამო ვუელტადან მოხსნეს ვინჩენცო ნიბალი!
Featured image: Yuzuru SUNADA/www.yuzurusunada.com
Inside post thumbnail image: Yuzuru SUNADA/www.yuzurusunada.com
განსაკუთრებული მადლობა იაპონელ ფოტოგრაფ იუზურუ სუნადას ჩვენს პუბლიკაციებში მისი ნამუშევრების გამოყენების ნებართვისათვის.
Special thanks to the Japanese photographer Yuzuru SUNADA for permission to use his works in our publications.
გარდასულ დროთა ველოსპორტზე უზომოდ შეყვარებულმა იტალიელმა ჯანკარლო ბროჩჩიმ, როცა 1997 [...]
მარტი 10, 2019
დღეს აიღებს სტარტს 70–ე ვუელტა (La Vuelta a España), რომელიც [...]
აგვისტო 22, 2015
პირველი სამოყვარულო რბოლა მილანიდან სანრემომდე შორეულ 1906 წელს ორ ეტაპად [...]
მარტი 23, 2019







