velorbola.com

გუშინ ჰოლანდიურ რუქპენში მსოფლიო თასის მეთერთმეტე ეტაპი გაიმართა. თავიდანვე ხაზგასმით ვიტყვი, რომ შეჯიბრებაში ტრავმის გამო, დაანონსებული მონაწილეობა ვერ მიიღო მსოფლიო ველოსპორტის მეგა ვარსკვლავმა მეთიუ ვან დერ პულმა. ამასთანავე ის, რომ ამ უქმეებს საერთოდ ტოვებს კიდე ერთი სუპერ მრბოლელი ვაუტ ვან არტი მონაწილეთა შანსებს საგრძნობლად ათანაბრებდა და მამაკაცთა რბოლის ცხრავე წრე სტარტიდან ფინიშამდე უაღრესად დაძაბული გამოდგა.

არსებულ ვითარებაში რბოლაში პირველი სკრიპკა გასული ათიდან ხუთი ეტაპის გამარჯვებულმა და შეაბამისად მსოფლიო თასის საერთო ჩათვლაში დიდი უპირატესობით ლიდერმა ბელგიელმა ელი იზერბიტმა ითამაშა, თუმცა ფინიშთან ახლოს წყვილ ბარიერზე მას ბრიტანელთა იმედმა ტომ პიდკოკმა გაუსწრო და ისტორიული გამარჯვება მოიპოვა.

შეგახსენებთ, რომ ტომ პიდკოკი 2020-ის ტოკიოს ოლიმპიური ჩემპიონია ველოსპორტის სხვა სახეობაში, იქ მან სამთო ოლიმპიური კროს-კანტრიში (XCO) დაწერა უკვე ისტორია.

როგორც ჩანს ტომს ისტორის წერა მოეწონა და რუქპენში ახალი ბრწყინავე თავი შემატა მის და მისი ქვეყნის სპორტულ ისტორიას:

ეს მისთვის პირადად და დიდი ბრიტანეთისთვის ველო-კროსის მსოფლიო თასის ეტაპზე პირველი გამარჯვებაა!

Featured image: ROBERTO and LUCA BETTINI/www.bettiniphoto.net

Inside post thumbnail image: ROBERTO and LUCA BETTINI/www.bettiniphoto.net

განსაკუთრებული მადლობა იტალიელ ფოტოგრაფებს რობერტო და ლუკა ბეტინებს ჩვენს პუბლიკაციებში მათი წყლის ნიშნებიანი ნამუშევრების გამოყენების ნებართვისათვის.

Special thanks to the Italian photographers ROBERTO and LUCA BETTINI for permission to use their watermarked works in our publications.

12 დეკემბერს ველო-კროსის მსოფლიო თასის მეცხრე ეტაპი შედგა იტალიის ვალ დი ზოლში (ბაიკ ლენდში). ოქტომბერში აშშ-ში დაწყებულ ასპარეზობაში პირველად მიიღო მონაწილეობა მსოფლიო ველოსპორტის მეგა ვარსკვლავმა, ბელგიელმა ვაუტ ვან არტმა!

ვაუტი მივიდა და გაიმარჯვა, გაიმარჯვა დომინანტურად, დიდი უპირატესობით!

ერთი კვირით ადრე, ვან არტმა, სეზონში პირველად, ძალები კროსის სუპერპრესტიიჟის სერიაში, ბელგიურ ბუმში მოსინჯა და იქაც შანსი არავისთვის მიუცია!

როგორც ალპურ თოვლზე, ისე ბელგიურ ტალახზე ვაუტი შეუდარებელი იყო.

აღსანიშნავია, რომ ორივე ამ ასპარეზობაში ძალები ბრიტანელმა ტოკიოს ოლიმპიურმა ჩემპიონმა სამთო კროს-კანტრიში (MTB XCO) ტომ პიდკოკმა მიიღო. თუ ბუმში ტომს არ აეწყო, ვალ დი ზოლში პოდიუმზე დადგა და ველოსამყარო დიდი ინტერესით ელოდება მომავალ ასპარეზობებს.

Worldcup Cyclocross Val di Sole 2021 – Cyclocross – Men’s Elite – 12/12/2021 – Wout Van Aert (BEL – Jumbo – Visma) – – Michael Vanthourenhout (BEL – Pauwels Sauzen – Bingoal) – Tom Pidcock (GBR – Ineos Grenadiers) – photo Michele Mondini/BettiniPhoto©2021

18 დეკემბერს საქმეში, კიდე ერთი გიგანტი, მეთიუ ვან დერ პული ჩაერთვება, პიდკოკს ამჯერად სწორედ მასთან მოუწევს ძალების მოსინჯვა.

გიგანტთა პირველი დიდი ჯახი კი 26 დეკემბერს, ბელგიურ დენდერმონდში შედგება, სადაც ვაუტი, მეთიუ და ტომი სეზონში პირველად აიღებენ ერთად სტარტს!

Featured image: ROBERTO and LUCA BETTINI/www.bettiniphoto.net

Inside post thumbnail image: ROBERTO and LUCA BETTINI/www.bettiniphoto.net

Special thanks to the Italian photographers ROBERTO and LUCA BETTINI for permission to use their watermarked works in our publications.

24 ივლისს ტოკიოს ოლიმპიური თამაშების ფარგლებში გაიმართა ჯგუფური რბოლა ველოსპორტში რომელზეც კარიერაში უდიდესი გამარჯვება იზეიმა გამოჩენილმა ეკვადორელმა რიჩარდ კარაბასმა!

234 კილომეტრზე, 4800 მეტრზე ჯამური ასვლით, ურთულეს კლიმატურ პირობებში, რბოლა კლასიკური სცენარით წარიმართა, საწყის მონაკვეთშივე წარმოიშვა მასტაბილირებელი დაწინაურებულთა ჯგუფი რომელიც ფავორიტებისთვის არანაირ საფრთხეს არ წარმოადგენდა. პირველი სერიოზული აღმართზე შეტევა ფინიშამდე 37 კილომეტრით ადრე, ოლიმპიადაზე მოქმედი ფრანგული გრანდ ტურის გამარჯვებულის რაგში ჩასულმა, სლოვენიელმა ტადეი პოგაჩარმა წამოიწყო. ასეთი რანგის ტოპ ფავორიტს პელოტონი ბუნებრივია ვერ გაუშვებდა და ასეც მოხდა. სამაგიეროდ 25 კილომეტრით ადრე შემტევი ამერიკელი ბრენდონ მაკნალტი ტადეის შეტევის შედეგად საკმაოდ გამოხშირულმა ფავორიტთა ჯგუფმა ტრადიციული ერთმანეთის ყურებით გაუშვა, მაგრამ ყველამ არა. იცოდა რა ფინიშზე, თუნდაც მცირე ჯგუფიდან, სპრინტში თავისი შესაძლებლობები, 2019 წლის იტალიური გრანდ ტურის ტრიუმფატორმა, ეკვადორელმა რიჩარდ კარაბასმა გადაწყვიტა ბრენდონს გამოდევნებოდა. რიჩარდს კარგად ქონდა შესწავლილი 234 კილომეტრიანი ოლიმპიური ტრასის თავისებურებები. ის ამერიკელს დაუწყვილდა და მრბოლელებმა საერთო ენა მალევე გამონახეს. ამერიკელი შესანიშნავ ინდივიდუალურ სვლას ფლობს, ტულკანის პროვინციაში დაბადებული ეკვადორელი კი ზღვის დონიდან 3000 მეტრზე სკოლაში დადიოდა ველოსიპეტით, აღმართზე ისე გრძნობს თავს როგორც თევზი წყალში. დაწინაურებულებმა როლებიც შესაბამისად გაიყვეს. ერთი კვირაც კი არ იყო გასული რაც ეკვადორელმა ფრანგულ გრანდ ტურზე პოდიუმზე ავიდა, ის იქ ფორმის აღმასვლის სტადიაში იყო, შეუძლებელის მიღწევას არ ეცადა და ტოკიოში როგორც მრბოლელები ამბობენ „ფეხი ქონდა“!

Tokyo 2020 Olympic Games – Olimpiadi Tokyo 2020 – Men’s Road Race – Musashinonomori Park – Fuji Internetional Speedway 234 km – 24/07/2021 – Richard Carapaz (ECU – Ineos Grenadiers) – photo Patrick Pichon/BettiniPhoto©2021

ქონდა და ფუძის ავტოდრომზე საფინიშო აღმართზე საგრძნობლად მოუმატა, ამერიკელი ჩამორჩა, როგორც აღმოჩნდა ეს იყო რიჩარდის ოქროს შეტევა!

ძირითად ფავორიტთა ჯგუფის სპრინტი მხოლოდ პოდიუმისთვის გაიმართა, რომელზეც თანამედროვე ველოსპორტის ორი მეგა ვარსკვლავი ავიდა!

Tokyo 2020 Olympic Games – Olimpiadi Tokyo 2020 – Men’s Road Race – Musashinonomori Park – Fuji Internetional Speedway 234 km – 24/07/2021 – Wout Van Aert (BEL – Jumbo – Visma) – Tadej Pogacar (SLO – UAE Team Emirates) – photo Peter De Voecht/PN/BettiniPhoto©2021

მეორე საფეხური 18 ივლისს, ელისეს მინდვრებზე უპრესტიჟულესი ფრანგული ტურის სპრინტის ტრიუმფატორმა, ბელგიელმა ვაუტ ვან არტმა დაიკავა. აღსანიშნავია რომ განვლილ ტურზე სპრინტის გარდა ვაუტმა კიდე ორი აბსოლუტურად განსხვავებული ეტაპი მიითვალა. ინდივიდუალური რბოლა დროზე და სამეფო სამთო ეტაპი ლეგენდარულ მონ ვენტუზე ორგზის ასვლით, ელის მინდვრების და მონ ვენტუს ერთდროული მეფე, რაც უიშვიათესია, ტოკიოში მხოლოდ ვერცხლს დასჯერდა. ეს მისი ხვედრია, ფინიშთან მისი მიყვანა არასდროს არავის სურს, აკი 2020-ის მსოფლიო პირველობის ვერცხლით იგივე მიზეზით დაკმაყოფილდა.

მესამე საფეხური იმავე 18 ივლისს, კარიერაში ზედიზედ მეორედ ფრანგული ტურის უპრესტიჟულეს გენერალურ კლასიფიკაციაში გამარჯვებულმა, სლოვენიელმა ტადეი პოგაჩარმა დაიკავა. მთავარ კლასიფიკაციასთან რა მოსაყვანია, მაგრამ არც ტადეიმ დააკლო ცალკეულ ეტაპებს, განვლილ ტურზე მანაც სამი მიითვალა. ამ ორის სხვა მიღწევებზე აქ აღარ შევჩერდები.

Tokyo 2020 Olympic Games – Olimpiadi Tokyo 2020 – Men’s Road Race – Musashinonomori Park – Fuji Internetional Speedway 234 km – 24/07/2021 – Richard Carapaz (Ecuador) – Wout Van Aert (Belgium) – Tadej Pogacar (Slovenia) – photo Luca Bettini/BettiniPhoto©2021

აღსანიშნავია, რომ ეს ეკვადორის ისტორიაში მხოლოდ მეორე ოლიმპიური ოქრო იყო. მანამდე ატლანტაში, შორეულ 1996 წელს, 5 ოლიმპიური თამაშების მონაწილე, ლეგენდარულმა მძლეოსანმა ჯეფერსონ ლეონარდო პერეს კესადამ 20 კილომეტრზე სპორტულ სიარულში მოუტანა სამშობლოს პირველი და დღემდე ერთადერთი ოქრო. თუმცა მოგვიანებით, ტოკიოშივე, ნეისი პატრისია დაჰომეს ბერერამ მანდილოსანთა შორის 76 კილოგრამამდე კატეგორიაში, ძალოსნობაში იმარჯვა და ეკვადორს მესამე ოლიმპიური ოქრო მიუთვალა!

Featured image: ROBERTO and LUCA BETTINI/www.bettiniphoto.net

Inside post thumbnail image: ROBERTO and LUCA BETTINI/www.bettiniphoto.net

Special thanks to the Italian photographers ROBERTO and LUCA BETTINI for permission to use their watermarked works in our publications.

31 იანვარს, ბელგიურ ოსტენდში, შედგა წლის მთავარი რბოლა ველო-კროსში.

UCI Cyclocross World Championships 2021 – Elite Men – Oostende – 31/01/2021 – Wout Van Aert (Belgium / Team Jumbo-Visma) – Mathieu van der Poel (Alpecin – Fenix) – photo Dion Kerckhoffs/BettiniPhoto©2021

Featured image: ROBERTO and LUCA BETTINI/www.bettiniphoto.net

Inside post thumbnail image: ROBERTO and LUCA BETTINI/www.bettiniphoto.net

Special thanks to the Italian photographers ROBERTO and LUCA BETTINI for permission to use their watermarked works in our publications.

პანდემიის გამო, ტრადიციული 9 ეტაპის ნაცვლად, 2020-2021 წლის ველო-კროსში მსოფლიო თასის მფლობელი მხოლოდ 5 ეტაპში გამოვლინდა

Featured image: ROBERTO and LUCA BETTINI/www.bettiniphoto.net

Inside post thumbnail image: ROBERTO and LUCA BETTINI/www.bettiniphoto.net

Special thanks to the Italian photographers ROBERTO and LUCA BETTINI for permission to use their watermarked works in our publications.

წლის პირველი მონუმენტი შედგა (la Classicissima di Primavera)! 21 მარტს დაგეგმილი მილანი სან რემო დღეს გაიმართა. ეპიდემიოლოგიური უსაფრთხოებიდან გამომდინარე ორგანიზატორებმა რბოლა მოსახლეობის თავშეყრის ადგილებს განარიდეს და შედეგად ისედაც წლის ყველაზე გრძელი რბოლა კიდე უფრო დაგრძელდა. 111-ე კლასსიჩისსიმამ 305 კილომეტრი შეადგინა თუმცა, რაც მთავარი იყო, ბოლო 30 კილომეტრი უცვლელი დარჩა. ორი კლასიკური აღმართი (ჩიპრესა, პოჯიო) და ფინიში სან რემოში ვია რომაზე!

იტალიაში პირველი აგვისტოდან უკვე მერამდენე რბოლა გაიმართა და უნდა ითქვას, რომ ეპიდემიოლოგიური უსაფრთხოების ზომები ყველგან მკაცრად არის დაცული. ამ ზომების დაცვა ყველა ველო მოყვარულისთვის დიდი პასუხისმგებლობაა, შესაბამისი წესების დაცვით ჩვენ ყველა ვუწყობთ ხელს ამ ურთულეს დროში ველოსპორტის გადარჩენას!

რბოლა მართლაც შედგა! დიდი მანძილით, მარშრუტის შეცვლის შედეგად ტრასის მესამე ასეულში გაჩენილი საკმაოდ მნიშვნელოვანი აღმართით და სიცხით გათანგული პელოტონი მიუახლოვდა ლეგენდარულ ჩიპრესას. როგორც ამბობენ ამ აღმართზე რბოლას ვერ მოიგებ, მაგრამ ისე უნდა დაძლიო, რომ გადამწყვეტ პოჯიოზე შენი მაქსიმუმის გაკეთება შეგეძლოს.

პოჯიოზე აუცილებლად ვინმე მოსინჯავს და ეს ხშირად გადამწყვეტი შეტევა ხდება. წელსაც აქ შარშანდელმა ტრიუმფატორმა ჟულიან ალაფილიპმა ბელგიური დეკიონიგ კვიკ-სტეპიდან შეუტია, ჟულიანის შეტევა იმდენად მკვეთრი იყო, რომ აღმართზე ვერავინ დაიჭირა მისი ბორბალი. ვოუტ ვან არტმა მხოლოდ რეაგირება შეძლო, აღსანიშნავია, რომ ვოუტი ჩიპრესას დასაწყისში ლიდერთა ჯგუფის არიერგარდში იმყოფებოდა. პოჯიოს აღმართზე, ფრანგის შეტევისას, მისი ამოცანა მხოლოდ დანაკარგების მინიმალიზაციას შეადგენდა.

Milano Sanremo 2020 – 111th Edition – Milano – Sanremo 305 km – 08/08/2020 – Julian Alaphilippe (FRA – Deceuninck – Quick Step) – Wout Van Aert (BEL – Team Jumbo – Visma) – photo Luca Bettini/BettiniPhoto©2020

ასე დაიწყეს დაშვება ლეგენდარული პოჯიო დი სან რემოს დაღმართზე. ერთ ხანს შემტევს და კონტრ შემტევს ჯგუფიც საგრძნობლად მიუახლოვდა, თუმცა ორივემ, დიდი რისკის ფასად, უპირატესობა შეინარჩუნა. დაღმართის ბოლოსკენ ბელგიელი ფრანგს წამოეწია და ასე განაგრძეს სვლა ვია რომასკენ.

Milano Sanremo 2020 – 111th Edition – Milano – Sanremo 305 km – 08/08/2020 – Wout Van Aert (BEL – Team Jumbo – Visma) – Julian Alaphilippe (FRA – Deceuninck – Quick Step) – photo Luca Bettini/BettiniPhoto©2020

ფინიშთან ვოუტი უფრო ძლიერი იყო და ლეგენდარული კროს მენი (სამგზის მსოფლიო ჩემპიონი) გზატკეცილის ლეგენდებსაც შეუერთდა!

ბელგიელი ვოუტ ვან არტი ჰოლანდიურ ჯუმბო ვისმადან იტალიურ ბიანკიზე წლის პირველი მონუმენტის ტრიუმფატორი გახდა! წელს ეს ვოუტის მეორე დიდი გამარჯვებაა, წინა შაბათს ხომ სიენას პიაცა დელ კამპოზე აიჭრა ასევე პირველმა!

ხაზი მინდა გავუსვა ველო კროსის ფაქტორს – მსოფლიო პელოტონის თანავარსკვლავედის დიდი ნაწილი სწორედ ველო კროსშია ფეხადგმული. რა რა და ამის პირობების შექმნა მაინც შეიძლება ჩვენში…

Featured image: ROBERTO and LUCA BETTINI/www.bettiniphoto.net

Inside post thumbnail image: ROBERTO and LUCA BETTINI/www.bettiniphoto.net

Special thanks to the Italian photographers ROBERTO and LUCA BETTINI for permission to use their watermarked works in our publications.

დღეს ლომბარდია არა ეპიდსიტუაციის გამო იყო ყურადღების ცენტრში, თუმცა რაც ხდებოდა ყველაფერს თავისი დაღი სწორედ წლევანდელმა მოვლენებმა დაასვა.

ვერაფერი ბედენა სანახაობაა უსაფრთხოების პირობებში რბოლის წარდგენა, თუმცა თავად რბოლა ის გამოდგა რისთვისაც გვიყვარს ველოსპორტი.

თავად ლომბარდიის ტრიპტიქს (Trittico Regione Lombardia) არც თუ ისე ხანგრძლივი ისტორია აქვს, 1997 წლიდან იმართება, მაგრამ ის აერთიანებს სამ ისტორიულ რბოლას.

ტრე ვალი ვარეზინე (Tre Valli Varesine) ვარეზეს სამი ხეობა, იმართება 1919 წლიდან;

კოპა ბერნოკკი (Coppa Bernocchi) ბერნოკის თასი, იმართება 1919 წლიდან;

კოპა უგო აგოსტინი (Coppa Ugo Agostoni) უგო აგოსტინის თასი, იმართება 1946 წლიდან.

ტრადიციულად გამარჯვებული სამივე რბოლის ჯამში ვლინდება, თუმცა წელს, ეპიდემიასთან დაკავშირებული სირთულეების თავიდან ასაცილებლად, ორგანიზატორები შეთანხმდნენ ერთი სტარტით შემოფარგლულიყვნენ და რბოლის ტრასა სამივე მარშრუტის საინტერესო მონაკვეთებიდან შეედგინათ.

გაერთიანებული ლომბარდიის ტრიპტიქს მეტწილად თავსხმა წვიმა დაერთო, რამაც ხელი შეუშალა რბოლის ტრანსლირებას და შესაბამისად ჩვენ მხოლოდ თვითმხილველთა ნაამბობზე დაყრდნობით შეგვიძლია ვიმსჯელოთ.

რასაკვირველია ვისი მონათხრობი იქნება უფრო ფასეული ვიდრე თავად გამარჯვებულისა. როგორც ბასკთა სახელოვანი ველო ტრადიციების ღირსეულმა გამგრძელებელმა გორკა ისაგირემ, ყაზახურ ასტანადან, რბოლის შემდეგ თქვა ეს მის კარიერაში საუკეთესო თუ არა დიდად სამახსოვრო მაინც იქნება.

მან და მისმა, ასევე ბასკმა, თანაგუნდელმა ალექს არანბურუმ მოახერხეს დაწინაურებულ ლიდერთა ჯგუფში მოხვედრა. რბოლის ფინალში, ბოლოს წინა აღმართზე გორკამ შეუტია და ფინიში ამაყმა და უზომოდ ბედნიერმა ერთპიროვნულად გადაკვეთა.

Gran Trittico Lombardo 2020 – Legnano – Varese 199,7 km – 03/08/2020 – Alexander Aranburu (ESP – Astana Pro Team) – Greg Van Avermaet (BEL – CCC Team) – Vincenzo Nibali (ITA – Trek – Segafredo) – photo Luca Bettini/BettiniPhoto©2020

ალექსმა კი მეორე ადგილისთვის სპრინტში თვით გრეგ ვან ავერმარტს აჯობა. მართალია გრეგი სტრადე ბიანკედან საკმაოდ გადაღლილი ჩანდა თუმცა არანბურუს დამსახურებას ეს ვერანაირად ვერ დააკნინებს. ვფიქრობ ეს მოვლენები ასტანას უამრავ ბატალიებში განბრძობილი გასაგები ტაქტიკური მონახაზია. თუ დაწინაურებულებში საფინიშო მონაკვეთზე რამდენიმე მრბოლელი ყავს აღმართზე უტევს ვისაც უარესი სპრინტი აქვს. თუ ასე გამარჯვებამდე მივა კარგი, თუ არადა საფინიშო სპრინტში მის გუნდს იქნება კიდე ერთი შანსი.

ბოლოს აღვნიშნავ, რომ ასტანელ ბასკებთან ერთად, ფრიად საპატიო პოდიუმზე, გრეგ ვან ავერმარტის ყოფნა მის კარგ ფორმაზე მეტყველებს და სეზონის განმავლობაში გრეგისგან ბევრს უნდა ველოდოთ. ბასკთა მრბოლელებს კი კიდე ბევრი წარმატება!

Featured image: ROBERTO and LUCA BETTINI/www.bettiniphoto.net

Inside post thumbnail image: ROBERTO and LUCA BETTINI/www.bettiniphoto.net

Special thanks to the Italian photographers ROBERTO and LUCA BETTINI for permission to use their watermarked works in our publications.

ოთხ თვეზე მეტი ხნით შეჩერებული ისტორია შაბათს, პირველ აგვისტოს, გაგრძელდა და რაოდენ სიმბოლურია, რომ ეს მონუმენტობისათვის შობილ სტრადე ბიანკიზე მოხდა!

ნანატრი რბოლა ეპიდემიოლოგიური უსაფრთხოების მაქსიმალურად შესაძლო დაცვით გაიმართა.

გუნდების შემადგენლობებზე უბრალო თვალის გადავლებაც კი უდიდეს ინტერესს იწვევდა. სტარტი მსოფლიო ტურის თანამედროვე პელოტონის თითქმის ყველა თაობის ვარსკვლავმა აიღო.

ამ დროს ტოსკანაში ჰაერის ტემპერატურა 40 გრადუსს აღწევს და რბოლა ურთულესი გამოდგა. დისტანციის ბოლო მეოთხედზე შედგა ისეთი შემადგენლობის დაწინაურებულთა ჯგუფი, რომ ცხადი გახდა გამარჯვებული სწორედ მათ შორის იქნებოდა

Strade Bianche 2020 – 14th Edition – Siena – Siena 184 km – 01/08/2020 – Wout Poels (NED – Bahrain – McLaren) – Davide Formolo (ITA – UAE – Team Emirates) – Jakob Fuglsang (DEN – Astana Pro Team) – Greg Van Avermaet (BEL – CCC Team) – Maximilian Schachmann (GER – Bora – Hansgrohe) – Alberto Bettiol (ITA – EF Pro Cycling) – photo Luca Bettini/BettiniPhoto©2020

მოგვიანებით ლიდერთა ჯგუფი ოთხამდე შემცირდა, სანუკვარი ტიტულისათვის ბრძოლას მხოლოდ ვუტ ვან არტი, დავიდე ფორმოლო, მაქსიმილიან შახმანი და ალბერტო ბეტიოლი განაგრძობდნენ.

ციკლო კროსიდან, სადაც სამგზის მოიგო მსოფლიო პირველობა, გზატკეცილზე გადმოსულ, ლეგენდარულ ბიანკიზე ამხედრებულ 25 წლის ბელგიელს ჰოლანდიური ჯუმბო ვისმადან თეთრ გზებზე მწარე გამოცდილება მიღებული ქონდა. შარშან და მის წინ მხოლოდ მესამე ადგილს დასჯერდა, თან შარშან სიენას ვიწროში, ლეგენდარულ აღმართზე „გაუჩერდა ფეხი“. მოგეხსენებათ ასეთ დროს გამოცდილება სწორად გააზრების შემთხვევაში დიდი პლუსია.

ამჯერად ვუტმა გადაწყვიტა აღარ დალოდებოდა სიენას ქუჩებს და საფინიშო აღმართამდე გაცილებით ადრე შეუტია. ასეთ დროს ეს საბედისწერო შეიძლება გამოდგეს, რადგან თუ მოწინააღმდეგეებს ვერ ჩამოიშორებ ფინიშზე ფეხში აღარაფერი გექნება.

გამოდევნებულებს შორის ფარხმალი პირველმა ბეტიოლმა დაყარა, მაქსი და დავიდი ბოლომდე დაიხარჯნენ მაგრამ შაბათს ვან არტის მომგები პელოტონში არ იყო.

Strade Bianche 2020 – 14th Edition – Siena – Siena 184 km – 01/08/2020 – Davide Formolo (ITA – UAE – Team Emirates) – Maximilian Schachmann (GER – Bora – Hansgrohe) – photo Dario Belingheri/BettiniPhoto©2020

ვუტ ვან არტმა ოცნება აისრულა და შარშანდელი ნათქვამი მეორე წელსვე შეასრულა – მან თქვა რომ ოდესმე აქ აუცილებლად იქნებოდა პირველი!

მანდილოსანთა რბოლა წელს დაუმარცხებელმა მოქმედმა მსოფლიო ჩემპიონმა, ჰოლანდიელმა ანემეიკ ვან ვლუტენმა მოიგო!

Strade Bianche 2020 Women – 14th Edition – Siena – Siena 136 km – 01/08/2020 – Annemiek Van Vleuten
/Mitchelton – Scott) – photo Valerio Pagni/BettiniPhoto©2020

რბოლა ნამდვილად შედგა და მისი სპორტული შემადგენელი ისედაც არანაირ ეჭვს არ იწვევდა. როგორც ჩანს ეპიდემიოლოგიური თვალსაზრისითაც ყოველივე სათანადო დონეზე დასრულდა!

ისტორია გრძელდება!

Featured image: ROBERTO and LUCA BETTINI/www.bettiniphoto.net

Inside post thumbnail image: ROBERTO and LUCA BETTINI/www.bettiniphoto.net

Special thanks to the Italian photographers ROBERTO and LUCA BETTINI for permission to use their watermarked works in our publications.

ისტორიაში მხოლოდ ორი მრბოლელია ვინც ხუთივე მონუმენტზე იმარჯვა. ამათ გარდა ოთხზე აქამდე ხუთს ჰქონდა ჩემპიონობაზე მიღწეული.

დღეს ისტორია გადაიწერა – ლეგენდარული ბელგიელი ფილიპ ჟილბერი (ფილჟილი) გახდა მეექვსე ვისაც კოლექციაში ხუთიდან ოთხი გამარჯვება აქვს მონუმენტზე კოლექციაში!

ეს ფილჟილის მონუმენტებზე 54–ე სტარტი იყო და აქამდე მას კარიერაში სამის ტიტული ჰქონდა მითვლილი:

ლომბარდიის ტური: 2009, 2010;

ლიეჟი–ბოსტონი–ლიეჟი: 2011;

ფლანდრიის ტური: 2017;

დღეს კი პარიზი–რუბეს მონუმენტზე იზეიმა გამარჯვება!

14 April 2018
117th Paris – Roubaix
1st : GILBERT Philippe (BEL) Deceuninck – Quickstep
Photo : Yuzuru SUNADA

ჩრთილოეთის ჯოჯოხეთად წოდებული ლეგენდარული ქვაფენილებიანი კლასიკა 1896 წლიდან იმართება და დღეს მისი 117–ე ვერსია ვიხილეთ.

უნალექო ამინდმა ასპარეზობის შედარებით მშვიდ რიტმში წარმართვას შეუწყო ხელი. თუმცა პელოტონში იყვნენ მრავალგზის დაზარალებულნიც. გადამწყვეტი მოვლენები მეთორმეტე პავესთან დაიწყო როცა შარშანდელმა ჩემპიონმა პეტერ საგანმა შეუტია. ეს ფინიშამდე დაახლოებით 55 კილომეტრით ადრე მოხდა და სულ მალე პეტერის გარშემო საკმაოდ ძლიერი დაწინაურებულთა ჯგუფი შეიკრიბა.

14 April 2018
117th Paris – Roubaix
GILBERT Philippe (BEL) Deceuninck – Quickstep
POLITT Nils (GER) Katusha – Alpecin
Photo : Yuzuru SUNADA

ამ ჯგუფში რიცხვობრივი უპირატესობა მგლებმა შექმნეს, ისინი აქ ორი მხედრით იყვნენ წარმოდგენილნი, რაც საბოლოოდ გადამწყვეტი აღმოჩნდა.

14 April 2018
117th Paris – Roubaix
1st : GILBERT Philippe (BEL) Deceuninck – Quickstep
2nd : POLITT Nils (GER) Katusha – Alpecin
Photo : Yuzuru SUNADA

ფილიპ ჟილბერმა და ივს ლამპარტმა გუნდური ტაქტიკით გამოფიტეს ჯგუფში მთავარი ფავორიტი პეტერ საგანი, რომელმაც ფილჟილის მორიგ შეტევას ვეღარ უპასუხა და რბოლის თავს ჩამოშორდა. ფილის იმ შეტევას მხოლოდ ახალგაზრდა გერმანელმა ნილს პოლიტმა უპასუხა. რუბეს ლეგენდარული ველოტრეკის ოვალზე სწორედ მათ მოაწყვეს სპრინტი, რომელშიც უპირობო ფავორიტი ჟილბერი იყო. ფილმა აშკარა უპირატესობით გადაკვეთა საფინიშო ხაზი.

14 April 2018
117th Paris – Roubaix
1st : GILBERT Philippe (BEL) Deceuninck – Quickstep
2nd : POLITT Nils (GER) Katusha – Alpecin
Photo : Yuzuru SUNADA

თავისი შანსი არც ივსმა გაუშვა ხელიდან, უმატივაციო და ძალადაკარგულ პიტერს ადრეული შეტევა მოუწყო. მართალია, სეპ ვანმარკე აედევნა, მაგრამ სეპს აშკარა პრობლემები ჰქონდა და პოდიუმის მესამე საფეხური ივს ლამპარტმა დამსახურებულად დაიკავა.

14 April 2018
117th Paris – Roubaix
1st : GILBERT Philippe (BEL) Deceuninck – Quickstep
2nd : POLITT Nils (GER) Katusha – Alpecin
3rd : LAMPAERT Yves (BEL) Deceuninck – Quickstep
Photo : Yuzuru SUNADA

Featured image: Yuzuru SUNADA/www.yuzurusunada.com

Inside post thumbnail image: Yuzuru SUNADA/www.yuzurusunada.com

განსაკუთრებული მადლობა იაპონელ ფოტოგრაფ იუზურუ სუნადას ჩვენს პუბლიკაციებში მისი წყლის ნიშნებიანი ნამუშევრების გამოყენების ნებართვისათვის.

Special thanks to the Japanese photographer Yuzuru SUNADA for permission to use his watermarked works in our publications.

პირველი სამოყვარულო რბოლა მილანიდან სანრემომდე შორეულ 1906 წელს ორ ეტაპად გაიმართა. მოგვიანებით ჟურნალისტმა ტულლო მორგანიმ გაძეტა დელო სპორტის დირექტორ ეუგენიო კოსტამანის შესთავაზა იმავე რბოლის ერთ დღეში ჩატარების მოსაზრება და უკვე 1907 წლის 14 აპრილს გაიმართა მილანი სანრემოს (Milano-Sanremo) პირველი ოფიციალური ვერსია. აღსანიშნავია, რომ ხსენებულ ტულლო მორგანის ასევე ეკუთვნის სხვა ორი იტალიური ლეგენდარული ველორბოლის გამართვის იდეა, 1905 წელს ერთდღიანი ლომბარდიის (Giro di Lombardia) და 1909 წელს მრავალდღიანი სრულიად იტალიის (Giro d’Italia). ტულლოს სამივე წამოწყება ლეგენდარული გახდა, დღეს ორივე ერთდღიანი შედის მონუმეტთა ხუთეულში, მრავალდღიანი კი გრანდ ტურთა სამეულში!

წლევანდელი იტალიური საგაზაფხულო მონუმენტი (La Classicissima di Primavera) 291 კილომტრიან მარშრუტზე გაიმართა და იგი ყველაზე გრძელი რბოლაა თანამედროვე მსოფლიო ველოსპორტში. კარგმა ამინდმა ხელი შეუწყო რბოლის გადამწყვეტ მონაკვეთამდე სწრაფ, მაგრამ მშვიდ რიტმში მისვლას და პელოტონი ლეგენდარულ ჩიპრესსას აღმართს გაერთიანებული შეუყვა.

დღის დაწინაურებულთაგან ბოლოს ფაუსტო მასნადა დანებდა, ეს ჩიპრესეს საწყის მონაკვეთში მოხდა სადაც რბოლის ფავორიტების უმაღლესი მოტივაცია აშკარად გამოიკვეთა, აქედან უკვე ყველა მათგანი პელოტონის წინა ნაწილში შეინიშნებოდა. გამოკვეთილი სპრინტერები გრონევეგენი და ბუჰანი უკან იხევენ, დღეს რბოლის ტემპი მათთვის დაუძლეველი აღმოჩნდა. ცოტა მოგვიანებით იგივე ბედი ელია ვივიანიმაც იწვნია.

დაღმართზე ნიკოლო ბონიფაციომ მოსინჯა, ლამის მოტოციკლს შეეჯახა, 15 წამიან უპირატესობასაც კი მიღწია, თუმცა პოჯიოს ძირთან პელოტონი მაინც ერთად მივიდა.

Milano Sanremo 2019 – 110th Edition – Milano – Sanremo 291 km – 23/03/201 – Julian Alaphilippe (FRA – Deceuninck – Quick Step) – Peter Sagan (SVK – Bora – Hansgrohe)photo Luca Bettini/BettiniPhoto©2018

პოჯიოს ზედა მონაკვეთში კუიკების გამორჩეული მუშაობა ჯულიან ალაფილიპმა დააგვირგვინა და გადამწყვეტ შეტევაზე გადავიდა. მისმა მოძრაობამ სხვა ფავორიტთა აქტივობა გამოიწვია. დაღმართზე შვიდკაციანი ჯგუფი დაწინაურდა, რომელიც საფინიშო გავაკებამდე ოდნავ გაიზარდა და ბოლო კილომეტრზე ფავორიტთა მცირე ჯგუფის სპრინტი გარდაუვალი გახდა. სპრინტი შედგა!!!

ჯულიან ალაფილიპი დიკიონიგ კვიკსტეპიდან დღეს ყველაზე ძლიერი იყო და დამაჯერებლად იმარჯვა!

ჯულიანმა წლევანდელ გაზაფხულზე იტალია დაიპყრო – სტრადე ბიანკეზეც და მილანი სანრემოზეც გამარჯვებულის საპატივცემულოდ მარსელიეზა ჟღერდა!

Milano Sanremo 2019 – 110th Edition – Milano – Sanremo 291 km – 23/03/201 – Oliver Naesen (BEL – AG2R La Mondiale) – Julian Alaphilippe (FRA – Deceuninck – Quick Step) – Michal Kwiatkowski (POL – Team Sky) – photo Luca Bettini/BettiniPhoto©2018

წლევანდელი კლასიჩისიმა მოკლე დროში ჩაეტია და სულ რაღაც 6 საათსა და 40 წუთს გაგრძელდა. ათეულში ალესანდრო ვალვერდეს და ვინჩენცო ნიბალის არსებობა აშკარად დადებით მოლოდინებს იწვევს. გაზაფხულის დასაწყისში შეიმჩნევა სამგზის მსოფლიო ჩემპიონის პიტერ საგანის ნერვიული მდგომარეობა, ვფიქრობ ერთი გამარჯვება გამოიყვანს ამ მდგომარეობიდან. უარესად გამოიყურება გრეგ ვან ავერმაერტი, თუმცა რა გამოიყურება, გრეგი მისი დონის მრბოლელის ფონზე საერთოდ არ ჩანს, მაგრამ ეს მხოლოდ პირველი მონუმენტი იყო და მომავალ თვეში ტრადიციულ ჩრდილოეთის კლასიკებისათვის სხვა პერსონებს უნდა ველოდოთ ფინიშის ხაზთან ზეაღმართული ხელებით!!!

Featured image: ROBERTO and LUCA BETTINI/www.bettiniphoto.net

Inside post thumbnail image: ROBERTO and LUCA BETTINI/www.bettiniphoto.net

Special thanks to the Italian photographers ROBERTO and LUCA BETTINI for permission to use their watermarked works in our publications.