პირველი მთები, პირველი ჩხვლეტები

12 მაისს ყველა განსაკუთრებულად ელოდა, რადგან მეექვსე ეტაპის სპეციფიკიდან გამომდინარე მოსალოდნელი იყო საერთო გამარჯვებისათვის მებრძოლთა პირველი შეხლა შემოხლა. კერძოთ ამას საფინიშო 18 კილომეტრიან ასვლისას ვარაუდობდნენ. მართალია აღმართს დაბალი საშუალო გრადიენტის გამო მხოლოდ მეორე კატეგორია ქონდა მინიჭებული, მაგრამ გრძელი მანძილი, თან პირველი კვირა როცა მრბოლელები ჯერ კიდე უახლოვდებიან პიკურ კონდიციებს აუცილებლად გამოიწვევდა გამწვავებებს. თან ყველას თავში მეცხრე ეტაპზე დაგეგმილი ინდივიდუალური რბოლა აქვს და მთამსვლელები ვერცერთ მინიმალურ შანსსაც კი ვერ გაფლანგავდნენ ინდივიდუალურის სპეციალისტებსათვის ძვირფასი წამები რო არ მოეგოთ.

12 May 2016
99th Giro d’Italia
Stage 06 : Ponte – Roccaraso
DUMOULIN Tom (NED) Giant – Alpecin, Maglia Rosa, at Bocca della Selva
Photo : Yuzuru SUNADA

რბოლა ნერვიულად დაიწყო, ეს დისტანციის პირველ ნაწილში მოთავსებულმა სერიოზულმა ასვლამ და კოკისპირულმა წვიმამ გამოიწვია. შედეგათ დაწინაურებულთა ჯგუფმა კომფორტულ უპირატესობას მიაღწია და როგორც ასეთ დროს ხდება ხოლმე რბოლა ორათ, ეტაპზე და საერთო გამარჯვებისათვის მებრძოლთა ჯგუფებათ გაიყო.

დაწინაურებულებში აშკარა ფავორიტად გამოცდილი ტიმ ველინსი იყო, რომელმაც ყოველივე ფილიგრანულად შეასრულა. ხელსაყრელ მომენტში შეუტია, საჭირო უპირატესობა მოიპოვა და შემდეგ ფინიშამდე აღარავინ მიიახლოვა.

12 May 2016
99th Giro d’Italia
Stage 06 : Ponte – Roccaraso
1st : WELLENS Tim (BEL) Lotto – Soudal
Photo : Yuzuru SUNADA

აღსანიშნავია ლოტტო სუდალის გუნდური გარჯა რომლებმაც რბოლის შუაში შეძლეს დაწინაურებულებთან გადარბენა და შემდეგ უმრავლესობაში მყოფებმა აკადემიურად გადაწყვიტეს ეტაპის ბედი.

12 May 2016
99th Giro d’Italia
Stage 06 : Ponte – Roccaraso
WELLENS Tim (BEL) Lotto – Soudal
Photo : Yuzuru SUNADA

აი ფავორიტთა ბატალია კი დამაფიქრებელი გამოდგა. საფინიშო აღმართთან გამოიკვეთა ასტანის ტაქტიკური ჩანაფიქრი, იაკობ ფულსანგმა შეუტია და ნათელი გახდა მალე ლო სკუალო ამოძრავდებოდა. ამოძრავდა კიდეც ვინჩენცო, თუმცა ფავორიტთა მიერ ტომ დუმულინის მიერ წამოწყებულ კონტრშეტევა ვერ მოიგერია და ფინიშთან წამებნაკლული მივიდა. ეს გამონაკლისია თუ ტენდენცია რბოლა გვაჩვენებს, ამჯერად კი 0:1–ზე არა ლო სკუალოს სასარგებლოთ.

12 May 2016
99th Giro d’Italia
Stage 06 : Ponte – Roccaraso
DUMOULIN Tom (NED) Giant – Alpecin, Maglia Rosa
NIBALI Vincenzo (ITA) Astana
Photo : Yuzuru SUNADA

Featured image: Yuzuru SUNADA/www.yuzurusunada.com

Inside post thumbnail image: Yuzuru SUNADA/www.yuzurusunada.com

განსაკუთრებული მადლობა იაპონელ ფოტოგრაფ იუზურუ სუნადას ჩვენს პუბლიკაციებში მისი ნამუშევრების გამოყენების ნებართვისათვის.

Special thanks to the Japanese photographer Yuzuru SUNADA for permission to use his works in our publications.