მეორეც ბრინჯაო

დღეს ასტანაში ას კილოგრამამდე და ასს ზემოთ წონით კატეგორიებში ასპარეზობდნენ

ას კილოგრამამდე წონაში საქართველოდან არავინ გამოდიოდა. ასს ზემოთ წონაში კი ადამ ოქრუაშვილმა მაქსიმალური მობილიზებით იასპარეზა და კარიერაში მსოფლიო ჩემპიონატზე პირველი პოდიუმი მოიპოვა. სამწუხაროდ ბრინჯაოს დასჯერდა. ნახევარფინალში ადამს რისთვის მიცეს მეორე შიდო მე არ ვიცი. ის კი ცხადია, რომ იაპონელმა სიჩინოემ სწორედ ამ გაუგებარი შიდოს წყალობით გააღწია ფინალში. იპონ–ტვს წამყვანმა რეპორტაჟის მსვლელობისას დასძინა როგორც ჩანს ოქრუაშვილმა ფორმა დაიბრუნაო. მე ვფიქრობ მისი ჭიდაობაც დაიხვეწა და ვუსურვებ მორიგ წარმატებებს.

2015 წლის მსოფლიოს ბრინჯაოს მედალოსანი ადამ ოქრუაშვილი Photo: Mario Krvavac

აღნიშნულ წონაში მერვედ მსოფლიო პირველობა ფრანგმა ტედი რინერმა დაისაკუთრა, ვისაც შეხვდა არავის არანაირი შანსი არ ქონია. ვეთანხმები იმ ხალხს ვინც ამბობდა დღეს, რომ ალბათ ამ შედეგის განმეორება შეუძლებელი იქნება.

ოლიმპიური და რვა გზის მსოფლიო ჩემპიონი ფრანგი ტედი რინერი Photo: © IJF Media by G. Sabau and Zahonyi