სამთო სამეული პირველი კვირის ბოლოს
წლევანდელ ვუელტას მრავალი სპეციფიკა გააჩნია, ერთერთი პირველი დასვენების დღის ათი ეტაპის შემდეგ დაგეგმვა იყო. მაგრამ ამას ემატებოდა ისიც, რომ ამ ათი ეტაპიდან ბოლო სამი აღმართზე ფინიშით გვირგვინდებოდა.
- მე–8 ეტაპზე – ალტო დელა კამპერონა, კატეგორია 1, სიმაღლე ზღვის დონიდან 1600 მეტრი, 8.5 კილომეტრი სიგრძე, საშუალო გრადიენტით 7.4% (მაქს. 25%; რამდენიმე 20%–იანი მონაკვეთი), ეტაპის სრული დისტანცია 181.5 კილომეტრი;
- მე–9 ეტაპზე – ალტო დელ ნარანკო, კატეგორია 2, ზღვის დონიდან 585 მეტრი, 5.7 კილომეტრი სიგრძე, საშუალო გრადიენტით 6.1% (ეტაპზე მანძილზე კიდე ოთხი კატეგორიანი აღმართი), ეტაპის სრული დისტანცია 164.5 კილომეტრი;
- მე–10 ეტაპზე – ლაგოს დე კოვადონგა, კატეგორია H, სიმაღლე ზღვის დონიდან 1110 მეტრი, 12.2 კილომეტრი სიგრძე, საშუალო გრადიენტით 7.2% (მაქს. 17.5%, ეტაპზე კიდე ერთი პირველი კატეგორიის უღელტეხილი), ეტაპის სრული დისტანცია 188.7 კილომეტრი;
კარგათ თუ დავაკვირდებით სამივე აღმართს თავისი სპეციფიკა გააჩნია, ამ სპეციფიკიდან გამომდინარე ყველა მათგანს თავისი ფავორიტი უნდა ყოლოდა. მაგალითად პირველზე 20% მეტი გრადიენტით მონაკვეთთა სიუხვე და სიმაღლე ზღვის დონიდან, მეორეზე აღმართის მოკლე სიგრძე და დაბალი საშუალო სირთულე, მესამეზე კი გრძელი აღმართი მანამდე დაძლეული მაღალი კატეგორიის უღელტეხილით. შეიძლება ითქვას ვუელტას ეს სამ ეტაპიანი ნაწილი ცალკე მინი რბოლად შეიძლებოდა ჩაგვეთვალა, რადგან ამ სამეულის განმავლობაში უნდა გამოკვეთილიყო მომავალი გენერალური კლასიფიკაციის პირველი კონტურები.
დაუმატებდი ორ ფაქტორს. პირველი წნეხის ქვეშ მყოფი მუვისტარის წინასწარი განცხადება შეტევითი ტაქტიკის შესახებ, რომელიც თვითონ ნაირომ გაახმოვანა და მეორე წინა ეტაპზე დაცემული კონტადორის ტრავმის შემდგომი მდგომარეობა. მივყვეთ თანმიმდევრობით.
ეტაპი ორად გაიყო, დაწინაურებულებს დიდი შანსი ქონდათ რადგან ბმს მაისურს ვერ დაიცავდა და მათ გამოიყენეს კიდეც ეს შანსი. გუნდური ტაქტიკის კარგი მაგალითი ვიხილეთ კატიუშელების, კოლუმბიელი ჯონათან რესტრეპოსა და უზბეკეთის სახელით მოასპარეზე რუსი სერგეი ლაგუტინის შესრულებით. ამ უკანასკნელმა ბრწყინვალე სტილში, ფინიშთან შეტევით კარიერაში უმნიშვნელოვანესი გამარჯვება მოიპოვა.
დიდებმა გადამწყვეტი შეტევა ბოლო კილომეტრის მისადგომებთან მოაწყვეს. პირველმა ფრუმმიმ შეუტია, ამას მხოლოდ კონტადორი და კინტანა გამოეხმაურნენ. ბოლო კილომეტრის ნიშნულთან მიახლოებისას ნაიროს კონტრშეტევამ ორივე მოწინააღმდეგე დატოვა მისგან მოშორებაზე.
ბოლო კილომეტრზე დიდი რბოლა გაჩაღდა, ნაირომ აღარავინ მიიახლოვა და რამდენიმე წამის გარდა ფსიქოლოგიურ ინიციატივასაც დაეუფლა. ფრუმი ერთხანს ცდილობდა მასთან მიახლოებას, ის იმ დღეს აშკარად არ იყო კარგ მდგომარეობაში, საფინიშო დერეფანში ალბერტომ მაინც გაუსწრო და შეიძლება ითქვას დანაკარგების მინიმალიზებას მიაღწია.
კოლუმბიელი წითელში შეიმოსა, რასაც ჯერ ასევე ლოკალური მნიშვნელობა ექნებოდა. შეიძლება ითქვას პირველი ბატალია მცირეოდენი ჩხვლეტებით დასრულდა. რა თქმა უნდა ყველა ითვალისწინებდა, რომ წინ კიდე ორი რთული ეტაპი ელოდა.
მეორე დღეს როგორც მუვისტარში შემდეგ განაცხადეს ეცადეს წითელი მაისურის შენარჩუნებას, თუმცა მე ვიტყოდი მათი მთავარი მიზანი მეორე დრისათვის ძალების აკუმულირება უფრო იყო, რადგან ამ მოკლე დაბალ გრადიენტიან აღმართზე შეუძლებელი ჩანდა რაიმე მნიშვნელოვანის მიღწევა. შესაბამისად ეტაპი ისევ იმ მომენტისათვის დაწინაურებულთაგან ყველა კარგ ფორმაში მყოფმა და სწორ მომენტში შეტევაზე წასულმა ესპანელმა დავით დელა კრუსმა მიითვალა და ესეც როგორც გუშინდელ შემთხვევაში გამარჯვებულის კარიერაში საუკეთესო მიღწევაა, ამავე დროს დავითმა წითელი მაისურიც გადაიბარა რაც უდავო ყველაზე ღირსშესანიშნავი მომენტი იქნება მის კარიერაში.
დიდებიდან მკვეთრი ფინიშის მქონე ესპანელებმა ალეხანდრო ვალვერდემ და სამუ სანჩესმა შეუტიეს, ფინიშის ხაზთან მათ იტალიელმა აჯობა, ჯანლუკა ბრამბილას უკეთესი საფინიშო მდგომარეობა აღმოაჩნდა თუმცა მთლიანობაში ჯგუფი ერთად მოვიდა და წითელი მაისურის მაძიებელთა შორის რაიმე მნიშვნელოვანი ცვლილება არ მომხდარა.
ასე მიუახლოვდით პირველი კვირის ლეგენდარულ აღმართს ლაგოს დე კოვადონგამდე, ლეგენდარულ ასვლას უნდა დაეხურა 2016 წლის ვუელტას პირველი კვირა.
დიდებმა აქ უკვე ეტაპი აღარ დათმეს, თუმცა დაწინაურებულთაგანს საბოლოოდ მხოლოდ ნაირომ გაუსწრო, დაწინაურებულებსაც გააჩნია. იმ დღეს შეუდარებელი იყო რობერტ გესინკი ჰოლანდიური ლოტოდან, ის უბრუნდება თავის ჩვეულ ფორმას, რაც უდავოდ გვახარებს, მისი სახით მეორე რიგის ფავორიტთა ჯგუფს ღირსეული წარმომადგენელი შეუერთდება.
რაც შეეხება დიდებს, 2016 წლის ლაგოს დე კოვადონგაზე ასვლა ნამდვილად შევა სასწავლო წიგნებში როგორც ერთერთი ყველაზე აკადემიური, აღმართზე ასვლის სხვადასხვა სტილებით წარმოდგენილი. ასვლის დასაწყისში ფრუმი ჩამორჩა, ის როგორც ვიცით საკუთარ ტემპზე გადავიდა. ასეთ დროს მას საერთოდ არ აინტერესებს რა ხდება ირგვლივ. მისთვის მთავარია საკუთარი კომპიუტერის მონაცემები, მთავარია არ ჩამორჩეს საკუთარ გრაფიკს, არ დაუვარდეს სიმძლავრე. მან იცის რა დროში ავა მწვერვალამდე და ასევე იცის სავარაუდოდ სხვები როგორ ავლენ.
აღმართის ერთ მონაკვეთზე მისი ჩამორჩენა თითქმის ერთ წუთს აღწევდა და საქმეში ჩაუხედავი იფიქრებდა ფრუმი დამთავრდაო. ამ დროს ძირითადი შეტევა ალეხანდროს ჟესტით ნაირომ განავითარა, მას მხოლოდ კონტადორმა უპასუხა. ეს მეორე ტაქტიკური მონახაზი, მუვისტარმა კაპიტანს შეატევია და მეორე მრბოლელი მის უკან დარჩა. მოგვიანებით როცა ფრუმი წამოეწია კარგად გამოჩნდა რომ ალეხანდრო უპრობლემოდ დაეკიდა ბორბალზე. კინტანა კონტადორის დუეტი სხვებთან ერთად ბოლო ხუთ კილომეტრიან მონაკვეთამდე ერთად აგრძელებდნენ რბოლას, მაგრამ მერე აღმოჩნდა რო ეს კონტას მაქსიმუმი იყო, ნაირომ შეუტია რასაც მან ვერ უპასუხა. ნაირო წავიდა ეტაპის ასაღებად და წითელი მაისურის დასაბრუნებლად და ამ დროს მისი მთავარი მოწინააღმდეგე თავის ტემპით ამსვლელი კრის ფრუმი იყო. მან ერთ ხანს ჩამორჩენილ ორიკელებთან, მოითქვა სული.
ხაზი უნდა გაესვას საიმონ იეიტცის მიერ ამ დროს გაწეულ ბრწყინვალე გუნდურ სამუშაოს. შემდეგ ფრუმიმ გააგრძელა და ყველა უკან ჩამოიტოვა, საგულისხმოა რომ ასეთ დროს არ შედრკა დიდი კოლუმბიელი. მან ბოლომდე გაძლო და ლაგოს დე კოვადონგაზე ისტორიული გამარჯვება მოიპოვა.
აღმართზე ტრავმამ თავი იჩინა და ალბერტომ კიდე დაკარგა დრო. წინ დასვენების დღე იყო, რომლის დროსაც პრეს კონფერენციაზე მან განაცხადა რომ აღდგენის პროცესის დინამიკა დადებითია და ის იბრძოლებს. მას ფრანგული ტურის შემდეგ დიდი სპორტის დატოვების ავკარგიანობაზეც კითხეს, რაც ელ პისტოლერომ ნაადრევად გამოაცხადა.
დღეს დასვენების დღის შემდეგ ფრიად სახიფათო მეთერთმეტე ეტაპი შედგა პიენა კაბარგაზე საფინიშო ასვლით, მაგრამ ამაზე მოგვიანებით.
Featured image: Yuzuru SUNADA/www.yuzurusunada.com
Inside post thumbnail image: Yuzuru SUNADA/www.yuzurusunada.com
განსაკუთრებული მადლობა იაპონელ ფოტოგრაფ იუზურუ სუნადას ჩვენს პუბლიკაციებში მისი ნამუშევრების გამოყენების ნებართვისათვის.
Special thanks to the Japanese photographer Yuzuru SUNADA for permission to use his works in our publications.