არაბული ველო მისწრაფებანი

იციან რა საგზატკეცილო ველოსპორტის უდიდესი პოპულარობა ევროპაში, მდიდარი არაბული სახელმწიფოები, რახანია ძალისხმევას არ იშურებენ საშეჯიბრო კალენდარში თავიანთ ტერიტორიაზე მნიშვნელოვანი რბოლების ორგანიზებისათვის. ამისათვის მათ მსოფლიო ტურის განრიგში ზამთრის ავსტრალიურ და საგაზაფხულო ევროპულ რბოლებს შორის წარმოქმნილი თავისუფალი დროის დიდი მონაკვეთი ამოიღეს მიზანში და რამდენიმე მრავალ დღიან ტურს ჩაუყარეს საფუძველი.

24 February 2017
3rd Abu Dhabi Tour
Stage 02 : Abu Dhabi – Abu Dhabi
Start
Photo : Yuzuru SUNADA

წელს 31 იანვარიდან 4 თებერვლის ჩათვლით ჯერ დუბაის ტური გაიმართა (არაბთა გაერთიანებული საემიროები), შემდეგ 14–19 თებერვალს ომანის ტური (ომანის სასულთნო) და ბოლოს 23–26 თებერვალს აბუ დაბის ტური (არაბთა გაერთიანებული საემიროები). უნდა აღვნიშნოთ, რომ თუ პირველი ორი აზიური ტურის ფარგლებში იმართება, აბუ დაბის ტურს წელს პირველად მსოფლიო ტურის რანგში გაიმართა, რაც დიდად პრესტიჟულია და უთუოდ შეუწყობს ხელს არაბულ სახელმწიფოთაგან ველოსპორტში ინვესტირების ზრდას. მსოფლიო პელოტონში მათ მიერ დაფინანსებული ველო გუნდები და ამ გუნდების შემადგენლობათა მიმოხილვაც ცხადყოფს თუ რა შორს მიმართული გეგმები დევს მათ ამ მისწრაფებებში.

23 February 2017
3rd Abu Dhabi Tour
Stage 01 : Madinat Zayed – Madinat Zayed
Peloton
Photo : Yuzuru SUNADA

რბოლის სტატუსიდან გამომდინარე (მსოფლიო ტური) ყურადღება აბუ დაბის ტურზე შევაჩეროთ. რბოლაზე მსოფლიო პელოტონის მთელი თანავარსკვლავედი შეიკრიბა, რისთვისაც ორგანიზატორები ყოველ წლიურად ძალისხმევას არ იშურებენ. ოთხი ეტაპიდან სამი სპრინტერული, მათ შორის დასკვნითი ეტაპი აბუ დაბის ფორმულა ერთის ტრასაზე – იას მარინას სარბოლო წრეზე, გაიმართა.

26 February 2017
3rd Abu Dhabi Tour
Stage 04 : Yas Marina Formula 1 circuit
Peloton
Photo : Yuzuru SUNADA

გენერალურ კლასიფიკაციაში გადამწყვეტი, მესამე სამთო ეტაპი კი ჯებელ ჰაფიტზე საფინიშო ასვლით დაგვირგვინდა. ჯებელ ჰაფიტის სამთო გზატკეცილი 1980 წელს გერმანული კომპანიის მიერ არის აგებული და ანალოგებს შორის ერთერთ საუკეთესოთ ითვლება. მისი სიგრძე 11,7 კილომეტრს შეადგენს, 21 მოსახვევიდან შემდგარი სერპანტინი 1219 მეტრ სიმაღლეთა სხვაობას გვაძლევს, საშუალო გრადიენტი 8%–ს შეადგენს, რაც მიუხედავათ მთამსვლელთა მეგა ვარსკვლავური შემადგენლობისა სეზონის ამ მონაკვეთზე საკმაოდ რთულ ასვლად შეიძლება მივიჩნიოთ. ასეთი ასვლა მრბოლელისაგან სერიოზულ ფორმას მოითხოვს, რომელიც გრანდ ტურების მომავალი ფავორიტებისათვის, რომლებიც მრავლად იყვნენ წარმოდგენილნი აბუ დაბიში, წელიწადის ამ დროისათვის ძალიან ადრეა.

რომელი ერთი დავასახელოთ, გრანდ ტურების მრავალგზის გამარჯვებული, მსოფლიო პელოტონის სამი მეგა ვარსკვლავი საკმარისი იქნება.

ესენია ესპანელი ალბერტო კონტადორი (ელ პისტოლერო) ტრეკ ზეგაფრედოდან

25 February 2017
3rd Abu Dhabi Tour
Stage 03 : Al Ain – Jebel Hafeet
CONTADOR Alberto (ESP) Trek – Segafredo
Photo : Yuzuru SUNADA

იტალიელი ვინჩენცო ნიბალი (ლო სკუალო) ბაჰრეინ მერიდადან

25 February 2017
3rd Abu Dhabi Tour
Stage 03 : Al Ain – Jebel Hafeet
NIBALI Vincenzo (ITA) Bahrain – Merida
Photo : Yuzuru SUNADA

და კოლუმბიელი ნაირო კინტანა მოვისტარიდან

25 February 2017
3rd Abu Dhabi Tour
Stage 03 : Al Ain – Jebel Hafeet
QUINTANA Nairo Alexander (COL) Movistar
Photo : Yuzuru SUNADA

რბოლაში ასევე იყო იტალიელი ფაბიო არუ ასტანიდან, სათანადო პატივი მივაგოთ გრანდ ტურის გამარჯვებულს, თუმცა ფაბიო რაღაცის გაკეთებას მაინც შეეცადა და ეტყობა ტური მისთვის სარბოლო კილომეტრაჟის დასაგროვებლად არ განიხილებოდა.

25 February 2017
3rd Abu Dhabi Tour
Stage 03 : Al Ain – Jebel Hafeet
ARU Fabio (ITA) Astana
Photo : Yuzuru SUNADA

იმთავითვე აშკარა იყო, რომ აბუ დაბიში წინა პლანზე სპრინტერთა არანაკლები თანავარსკვლავედი გაიბრწყინებდა. მთაში და გენერალურ კლასიფიკაციაში კი იმას უნდა ემარჯვა, ვინც ამ დროისათვის სპეციალურად იყო მომზადებული.

აკი ვთქვი, რომ სპრინტი სულ სამი დაიგეგმა, მათზე გამარჯვების მეგა ფავორიტი კი ოთხი აღმოჩნდა. ბრიტანელი მარკ კავენდიში, გერმანელები მარსელ კიტელი და ანდრე გრაიპელი და ახალგაზრდა ავსტრალიელი ქალებ იუინი.

მათ შორის ყველაზე სტაბილური ლეგენდარული ბრიტანელი აღმოჩნდა. მარკმა პირველი სპრინტი მოიგო, მეორე და მესამეზე სამეულში შევიდა, შესაბამისად მესამე და მეორე იყო, რამაც მას ქულების კლასიფიკაციაში პირველობაც მოუტანა.

23 February 2017
3rd Abu Dhabi Tour
Stage 01 : Madinat Zayed – Madinat Zayed
1st : CAVENDISH Mark (GBR) Dimension Data
Photo : Yuzuru SUNADA

მეორე სპრინტი საკმაოდ კურიოზულად მარსელ კიტელს ხვდა წილად. გამოუცდელ ავსტრალიელს ის უკვე მოგებული ეგონა და ხაზის გადაკვეთამდე მოინდომა ზეიმის დაწყება რაც გამოცდილმა გერმანელმა არ აპატია და გამარჯვება ცხვირ წინ ააცალა.

24 February 2017
3rd Abu Dhabi Tour
Stage 02 : Abu Dhabi – Abu Dhabi
1st : KITTEL Marcel (GER) Quickstep Floors
2nd : EWAN Caleb (AUS) Orica – Scott
3rd : CAVENDISH Mark (GBR) Dimension Data, Leader of the General Classification
Photo : Yuzuru SUNADA

მესამე სპრინტი განსაკუთრებული გამოდგა. გარდა იმისა, რომ ის ულამაზეს ფორმულა 1–ის ტრასაზე წრეებზე გათამაშდა, ამინდიც უჩვეულო გამოდგა. აბუ დაბიში იმ დღეს კოკისპირულად წვიმდა. ამჯერად ქალებმა სპრინტი აღარავის დაუთმო და ვარსკვლავების გარემოცვაში ნანატრ გამარჯვებასაც მიაღწია.

26 February 2017
3rd Abu Dhabi Tour
Stage 04 : Yas Marina Formula 1 circuit
1st : EWAN Caleb (AUS) Orica – Scott
Photo : Yuzuru SUNADA

რაც შეეხება ანდრე გრაიპელს (გორილა), ის მართალია ორ სპრინტში კი მოხვდა სამეულში, თუმცა ასეთი დონის სპრინტერისათვის ეს ვერაფერი შვილი ნუგეში შეიძლება იყოს.

წინა დღეს კი ხსენებულ ჯებელ ჰაფიტის აღმართზე გაიმართა დიდი ბატალია აბუ დაბის ტურის სამთო ეტაპისა და გენერალური კლასიფიკაციისათვის. ასვლისას შესამჩნევი იყო ნაიროს და ალბერტოს ურთიერთ ჩხვლეტები, თუმცა აშკარა იყო რო ისინი წინა პოზიციებისათვის ჯერ მზად არ არიან. ვინჩენცო არც ამ ჩხვლეტებში ჩაერთო. ფაბიო კი გაიწია, მაგრამ არც ის იყო იმ დღეს აღმართზე წამყვანი ძალა.

25 February 2017
3rd Abu Dhabi Tour
Stage 03 : Al Ain – Jebel Hafeet
ZAKARIN Ilnur (RUS) Katusha – Alpecin
COSTA Rui (POR) UAE Abu Dhabi
Photo : Yuzuru SUNADA

ასვლისას გამოიკვეთა ორი ლიდერი, პორტუგალიელი 2013 წლის მსოფლიო ჩემპიონი რუი ალბერტო ფარია და კოშტა გაერთიანებული საემიროების გუნდიდან და ილნურ ზაკარინი კატიუშა ალპეცინიდან.

25 February 2017
3rd Abu Dhabi Tour
Stage 03 : Al Ain – Jebel Hafeet
1st : COSTA Rui (POR) UAE Abu Dhabi
Photo : Yuzuru SUNADA

როგორც ჩანს პორტუგალიელი სპეციალურად ემზადებოდა ამ დღისათვის და საემიროების გუნდს ლამაზი საშინაო გამარჯვება მოუტანა. მეორე ილნური იყო, მესამე ადგილისთვის დიდათ გაისარჯა ტომ დუმულენი და დაუფასდა კიდეც.

26 February 2017
3rd Abu Dhabi Tour
Stage 04 : Yas Marina Formula 1 circuit
Final Podium
1st : COSTA Rui (POR) UAE Team Emirates
2nd : ZAKARIN Ilnur (RUS) Katusha – Alpecin
3rd : DUMOULIN Tom (NED) Sunweb
Photo : Yuzuru SUNADA

აბუ დაბის ტურმა ბრწყინვალეთ დააგვირგვინა სეზონის არაბული მონაკვეთი, რაც მომავალში მსოფლიოს ამ ნაწილში ველოსპორტის მნიშვნელოვანი განვითარების დიდ პერსპექტივებს სახავს.

26 February 2017
3rd Abu Dhabi Tour
Stage 04 : Yas Marina Formula 1 circuit
1st of the Team Classification
UAE Team Emirates
GUARDINI Andrea (ITA)
CONSONNI Simone (ITA)
COSTA Rui (POR)
MEINTJES Louis (RSA)
MORI Manuele (ITA)
ULISSI Diego (ITA)
Photo : Yuzuru SUNADA

Featured image: Yuzuru SUNADA/www.yuzurusunada.com

Inside post thumbnail image: Yuzuru SUNADA/www.yuzurusunada.com

განსაკუთრებული მადლობა იაპონელ ფოტოგრაფ იუზურუ სუნადას ჩვენს პუბლიკაციებში მისი ნამუშევრების გამოყენების ნებართვისათვის.

Special thanks to the Japanese photographer Yuzuru SUNADA for permission to use his works in our publications.