სეზონის ბოლო გრანდ ტურის სტარტი

ამ უქმეებზე ესპანეთში სტარტი აიღო სეზონის დასკვნითმა გრანდ ტურმა – ვუელტა ა ესპანა (Vuelta a España – შინაარსობრივათ შეიძლაბა ვთარგმნოთ როგორც დაბრუნება ესპანეთში). ესპანური ტური სამ გრანდ ტურს შორის ყველაზე ახალგაზრდაა, ის 1935 წლიდან იმართება და წლევანდელი რიგით 71–ეა.

ვუელტას 71–ე სტარტს უდიდესი ინტერესით ელოდა მთელი ველოსამყარო, რადგან რბოლიში თანამედროვეობის მწყობრში მყოფი ყველა დიდი მრბოლელი იასპარეზებს.

პირველ რიგში ყურადრებას წლევანდელი ფრანგული ტურის გენერალური პოდიუმის ორი ბინადარი იწვევს, ტრიუმფატორი ბრიტანელი კრისტოფერ ფრუმი და მესამე პრიზიორი კოლუმბიელი ნაირო კინტანა.

24 July 2016
103rd Tour de France
Stage 21 : Chantilly – Paris Champs-elysees
Final Podium
1st : FROOME Christopher (GBR) Sky, Maillot Jaune
2nd : BARDET Romain (FRA) ag2r – La Mondiale
3rd : QUINTANA Nairo Alexander (COL) Movistar
Photo : Yuzuru SUNADA

ამათ ემატება ფრანგული ტურიდან დაცემების შედეგათ მიღებული ტრავმების გამო ნაადრევათ გამოთიშული ლეგენდარული ესპანელი ალბერტო კონტადორი. ელ პისტოლერო სამგვირგვინოსანთა ისტორიული ექვსკაციანი ჯგუფის წარმომადგენელია, მას კარიერაში სამივე გრანდ ტური არაერთხელ აქვს მოგებული და ნებისმიერი რბოლის მშვენებაა, არც მოტივაცია აკლდა ოდესმე.

22 August 2016
71st Vuelta a Espana
Stage 03 : Marin – Dumbria, Mirador de Ezaro
CONTADOR Alberto (ESP) Tinkoff
Photo : Yuzuru SUNADA

ყურადღების ცენტრში იქნებიან ასევე ესპანელი ალეხანდრო ვალვერდე, კოლუმბიელი ხუან ესტებან ჩავესი და რამოდენიმე მეორე რიგის ფავორიტი, რომელთაც თავის გამოჩენის შემთხვევაში ვახსენებთ.

22 August 2016
71st Vuelta a Espana
Stage 03 : Marin – Dumbria, Mirador de Ezaro
VALVERDE Alejandro (ESP) Movistar
FROOME Christopher (GBR) Sky
CHAVES Johan Esteban (COL) Orica – BikeExchange
Photo : Yuzuru SUNADA

წლევანდელი ვუელტა გამოკვეთილად სამთოა, საკმარისია ვთქვათ რომ ათ ეტაპზე დაიგეგმა სხვადასხვა სპეციფიკის ფინიში აღმართზე რაც ჟანრის გურმანებს დიდ მოლოდინებს უჩენს.

უკვე ოთხი ეტაპი გაიმართა და შეიძლება გარკვეული წინასწარი მოსაზრებები გაგვიჩდეს. მივყვეთ თანმიმდევრობით.

პირველი ეტაპზე საკმაოდ გრძელი გუნდური ინდივიდუალური დროზე რბოლა გაიმართა. ეს ძალიან სპეციფიური სახეობაა, წინა პლანზე გუნდების სპეციალური მომზადება გამოდის რაც შესაბამისი სპეციალიზაციის მრბოლელთა კომპლეკტაციასაც ითვალისწინებს. ასეთ პირობებში აშკარა უპირატესობა გენერალური კლასიფიკაციისათვის მებრძოლ გუნდებს შორის ესპანურ მოვისტარს ეკუთვნოდა, თუმცა თუ ბრიტანულ სკაის შემადგენლობას გადავხედავდით მათაც არ უნდა გაევლოთ ცუდი რბოლა. ჟანრის ლიდერების ბმს–ისა და ორიკასაგან ყოველთვის კარგი შედეგია მოსალოდნელი.

20 August 2016
71st Vuelta a Espana
Stage 01 : Ourense – Castrelo de Mino TTT
1st : Sky
FROOME Christopher (GBR)
BOSWELL Ian (USA) Sky
GOLAS Michal (POL)
KENNAUGH Peter (GBR)
KNEES Christian (GER)
KONIG Leopold (CZE)
KWIATKOWSKI Michal (POL)
LOPEZ David (ESP)
PUCCIO Salvatore (ITA)
Photo : Yuzuru SUNADA

რბოლა სკაიმ მუვისტარს სულ რაღაც ოთხი მეათედით მოუგო, ორიკა და ბმს მათ შესაბამისად ექვსი და შვიდი წამით ჩამორჩნენ. მთავარი წაგებული როგორც მოსალოდნელი იყო ალბერტო კონტადორი გამოვიდა, ტინკოვმა 52 წამი დათმო და პირველივე ეტაპიდან ელ პისტოლერო მდევრის როლში დადგა.

20 August 2016
71st Vuelta a Espana
Stage 01 : Ourense – Castrelo de Mino TTT
CONTADOR Alberto (ESP) Tinkoff
Photo : Yuzuru SUNADA

მეორე ეტაპი, შეიძლება ითქვას ერთადერთი შანსი იყო სპრინტერთათვის. გუნდების სასტარტო შემადგენლობებს თუ გადავხედავთ ბელგიური კვიკ სტეპი აშკარად ჩაინიშნავდა ამ შესაძლებლობას. რბოლა მათი კონტროლით წარიმარტა, გუნდმა შესანიშნავათ იმუშავა. ფინიშთან ბოლო მოსახვევში, ვიწრო დერეფანში ბრწყინვალე პოზიციაზე დატოვეს ბელგიელი ჯანი მირსმანი რომელმაც თანაგუნდელებს არ გაუწბილა იმედები, ეტიქსმა დაგეგმილი ეტაპი აიღო.

21 August 2016
71st Vuelta a Espana
Stage 02 : Ourense – Baiona
1st : MEERSMAN Gianni (BEL) Etixx – Quickstep
2nd : SCHWARZMANN Michael (GER) Bora – Argon 18
3rd : NIELSEN Magnus Cort (DEN) Orica – BikeExchange
Photo : Yuzuru SUNADA

მესამე და მეოთხე ეტაპები იმ ათი აღმართზე ფინიშით დაგეგმილთაგან პირველი ორი გახლდათ. აქედან პირველის ფინიში მირადორ დე ეზარო (Mirador de Ézaro) 1810 მეტრი სიგრძის 14,36% გრადიენტით (მაქსიმალური 25%), მრბოლელთაგან განსაკუთრებულ მონაცემებს ითხოვს. სირთულეს არა მხოლოდ განსაკუთრებული გრადიენტი, არამედ აღმართის ზედა ნაწილში ბეტონის საფარიც წარმოქმნის. ასეთ პირობებში ხოაკიმ როდრიგესი (პურიტო) ბრწყინავდა ხოლმე. წინა ასვლაზე სწორედ მან იმარჯვა და მხოლოდ ელ პისტოლერომ შეძლო კონკურენცია გაეწია. მოგეხსენებათ პურიტომ დიდ სპორტს თავი დაანება და მისი არ ყოფნის პირობებში ფავორიტად სხვა ესპანელები, ალეხანდრო ვალვერდე და ალბერტო კონტადორი შეიძლებოდა მიგვეჩნია სავარაუდოდ კოლუმბიელებთან კონკურენციის პირობებში. მაგრამ ეს ტურის დასაწყისია და რამდენად იქნებოდნენ ფავორიტები სათანადო კონდიციებში ამას ასვლისას შევიტყობდით. საერთო გამარჯვებისათვის მებრძოლმა გუნდებმა არ გამოიჩინეს ეტაპის მოგებისათვის საჭირო ძალისხმევა, რის შედეგადაც წარმატებას დაწინაურებული ჯგუფიდან შემტევმა ფრანგმა ალექსანდრ გინისმა ფრანცეზ დე ჟოდან მიაღწია. ეს მისი მეორე გამარჯვებააა ესპანურ ტურზე რაც უდავოთ დიდი მიღწევაა.

22 August 2016
71st Vuelta a Espana
Stage 03 : Marin – Dumbria, Mirador de Ezaro
1st : GENIEZ Alexandre (FRA) FDJ
Photo : Yuzuru SUNADA

დიდებმა კი პირველი მწვავე გარჩევა მოაწყვეს. ასეთ გრადიენტზე შეცდომა ძვირად ფასობს, ამიტომ მთლიანობაში მათი ასვლა აკადემიური აღმოჩნდა. მუვისტარმა გუნდის უპირატესობის გამოყენება სცადა რაც აღმართის დასაწყისშივე შეტევაში აისახა. შეტევას ჩავიტომ და ელ პისტოლერომ უპასუხეს, ფრუმმი საკუთარ ტემპზე გადავიდა. მაქსიმალური გრადიენტით მონაკვეთზე ალბერტო შემტევებს ჩამორჩა, როგორც მოგვიანებით განაცხადა პულსი დასაშვებზე მაღალ მონაცემს გადასცდა (200) რაც შეიძლება ძვირად დაჯდომოდა და დანაკარგების მინიმიზაციის ტაქტიკაზე გადავიდა. ამ მონაკვეთის გავლის შემდეგ კი ჩვეულ სტილში ფრუმმიმ მოახერხა ალბერტოს გასცდენოდა და შემტევებს გატოლებოდა. ფინიშთან მუვისტარელებმა რუბენ ფერნანდესი გაუშვეს შეტევაში, მანაც ჯგუფიდან პირველმა ზეიმით გადაკვეთა ფინიშის ხაზი. მოგვიანებით კი განაცხადეს წითელი მაისური ვიზეიმეთო, მაგრამ მე მაინც მგონია, რომ მუვისტარელებს ფრანგი გამორჩათ. შედეგათ მორიგი სასაჩუქრე წითელი მაისურის ამარად დარჩნენ რაც ნებისმიერი მრბოლელისათვის ძალიან საისტორიო მოვლენა. მთავარი წაგებული ისევ ელ პისტოლერო აღმოჩნდა მან ძველ ჩამორჩენას 28 წამი მიუმატა და გენერალურ კლასიფიკაციაში დასაფიქრებელი წუთნახევარი გახადა. შეძლებს თუ არა ალბერტო ამ დეფიციტის აღმოფხვრას დარჩენილ მთებში გავიგებთ, აი სხვა ფავორიტების, რომელნიც არც აქამდე დავასახელეთ, დანაკარგები კი ვფიქრობ განმსაზღვრელი აღმოჩნდა. ვეჭვობ ისინი ათეულს მიუახლოვდნენ, რასაც გავაკეთებ თუ აღმოჩნდა რო შევცდი.

22 August 2016
71st Vuelta a Espana
Stage 03 : Marin – Dumbria, Mirador de Ezaro
QUINTANA Nairo Alexander (COL) Movistar
Photo : Yuzuru SUNADA

ეტაპს ყავდა კიდე ერთი საყურადღებო დაზარალებული, რომელიც არა კონდიციების, არამედ დაცემის გამო გამოეთიშა ათეულისათვის მებრძოლთა რიგებს. ეს კიდევ ერთი ამომავალი ვარსკვლავი იყო კოლუმბიიდან. შვეიცარიის ტურის წლევანდელი ტრიუმფატორი, 22 წლის მიგელ ანხელ ლოპესი დაეცა რითაც ყაზახური ასტანის იმედების გაცრუება და სტრატეგიული ხაზის შეცვლა გამოიწვია. საბედნიეროდ მიგელ ანხელი რბოლაში დარჩა რითაც ფასდაუდებელ გამოცდილებას მიიღებს.

23 August 2016
71st Vuelta a Espana
Stage 04 : Betanzos – San Andres de Teixido
LOPEZ Miguel Angel (COL) Astana
Photo : Yuzuru SUNADA

მეოთხე ეტაპის საფინიშო ასვლა 11,2 კილომეტრის სიგრძის 4,8% (მაქს. 13%) გრადიენტის აღმართს წარმოადგენდა წმინდა ანდრია პირველწოდებულის ტეხეიდოს სალოცავზე გავლით მირადორ ვიხია დე ჰერბიერაზე (San Andrés de Texeido. Alto Mirador de Veixia). ტეხეიდო ქართულად ურთხელს ნიშნავს რომელიც თურმე უხვად იზრდებოდა გალისიის ამ ნაწილში. ამ აღმართზე ძნელია რაიმე უპირატესობის მოპოვება თუ მოწინააღმდეგეს რაიმე გაუთვალისწინებელი არ შეემთხვა. ეტაპზე დიდხანს ვერ მოხერხდა დაწინაურებულთა ჯგუფის ფორმირება, რადგან ცხადი იყო ამ ჯგუფის წევრების ეტაპზე გამარჯვების ალბათობა დიდი იყო, საბოლოოდ მთავარ ფავორიტად ჯგუფში პუმა, კიდე ერთი ცნობილი კოლუმბიელი დარვინ ატაპუმა შეიქნა ბმს–იდან, თან მას წითელში შემოსვის საკმაოდ რეალური შანსი ქონდა.

23 August 2016
71st Vuelta a Espana
Stage 04 : Betanzos – San Andres de Teixido
ATAPUMA John Darwin (COL) BMC
KING Benjamin (USA) Cannondale
Photo : Yuzuru SUNADA

როგორც მოსალოდნელი იყო, დასკვით აღმართზე ეტაპის გათამაშება როცა დაიწყო, ემზადებოდა რა გადამწყვეტი შეტევისათვის, პუმა მედგრად იგერიებდა ყოველი მხრიდან წამოწყებულ შეტევებს. მხოლოდ ერთი გაატარა, რადგან შემტევი ახალგაზრდა ფრანგი დირექტ ენერჯიდან ლილიან კალმეჯანი გახლდათ. ასეთ მრბოლელს მშვიდად უშვებენ ხოლმე, ფინიშამდე საკმაო მანძილი იყო. ლილიანს არავინ იცნობდა, ეს მისი პირველი გრანდ ტურია, მონუმენტებიდან მხოლოდ ერთში აქვს სტარტი აღებული და საერთოდ მსოფლიო ტურის დებიუტანტია. როგორც აღმოჩნდა მისი გაშვება შეცდომა იყო, ლილიანმა გაძლო, რაც ძალიან დიდი იშვიათობაა და კარიერის სტარტზე პირველი პროფესიული გამარჯვება მიითვალა, პუმას კი სანუგეშოდ წითელი მაისური ერგო.

23 August 2016
71st Vuelta a Espana
Stage 04 : Betanzos – San Andres de Teixido
1st : CALMEJANE Lilian (FRA) Direct Energie
Photo : Yuzuru SUNADA

დიდებმა აღმართი მშვიდად აიარეს, მეოთხე ეტაპს მათ შორის დროის თანაფარდობაში აღარანაირი ცვლილება აღარ შეუტანია, რასაც სავარაუდოდ მერვე ეტაპამდე არც უნდა ველოდოთ. დღეს და ხვალ მარშრუტებზე ისეთი არაფერია რამაც შეიძლება დიდებს პრობლემა შუქმნას. თუმცა ეს გრანდ ტურია და ყოველთვის ყველაფერს უნდა ელოდო.

Featured image: Yuzuru SUNADA/www.yuzurusunada.com

Inside post thumbnail image: Yuzuru SUNADA/www.yuzurusunada.com

განსაკუთრებული მადლობა იაპონელ ფოტოგრაფ იუზურუ სუნადას ჩვენს პუბლიკაციებში მისი ნამუშევრების გამოყენების ნებართვისათვის.

Special thanks to the Japanese photographer Yuzuru SUNADA for permission to use his works in our publications.