პირველი კოსტა–რიკელი

Posted On 21 May 2016

Tag: ანდრეი ამადორი, ბობ იუნგელსი, ვინჩენცო ნიბალი, მიკელ ლანდა, მიკელ ნიევე, ხუან ესტებან ჩავესი, ჯილბერტო სიმონი, ჯირო დ'იტალია, ჯირო დ'იტალია 2016

პირველ დიდ სამთო ეტაპზე არავინ ელოდა კაპიტნების მაქსიმუმზე პაექრობას, წინ ურთულესი ორი კვირაა და რბოლის ამ ეტაპზე ძალთა გადანაწილება რჩება ერთ ერთ მთავარ ამოცანათ. შესაბამისად ჟანრის სრული დაცვით ეტაპი ორად გაიყო, თუმცა ვერ ვიტყვით რო კაპიტანთა ჯგუფმა ლიდერები დიდი დროით გაუშვა. ლიდერებში კი ვირტუოზები სოლირებდნენ.

სოლისტთა შორის ორს გამოვყოფ, ბასკ მიკელ ნიევეს და იტალიელ ჯოვანი ვისკონტის, ლიდერებში კიდე ერთი იყო შესამჩნევი მაგრამ… (იქნებ ვინმეს ოდესმე გაუჩდეს კითხვა რამ დაგაბრმავათ, რატო ვერ ამჩნევთ ელ პიკკოლო პრინჩიპეს, პატარა პრინც იტალიელ დამიანო კუნეგოსო, პიკკოლომ რაც არ უნდა მოიგოს და მოიმოქმედოს ჩემთვის ის ყოველთვის დარჩება ლეიტენანტათ რომელმაც კაპიტანს უღალატა და მასზე რაიმეს თქმის არანაირი სურვილი არ მაქვს. შეიძლება ვინმე შემეკამათოს კიდეც, ესაა და 2004–ში ჯიროზე გუნდის ინტერესები დაემთხვა და გენერალურში გამარჯვებას კარგავდაო.

2004 წლის ჯირო დ’იტალიას პოდიუმი

კი, როგორც ფოტოზე ხედავთ, 2004–ში იმ ავად სახსენებელ მეცხრამეტე ეტაპზე ასე დალაგდა რო მეორე უკრაინელი სერგეი გონჩარი გახდა და თვით ლეგენდარულმა ჯილბერტო (ჯიბო) სიმონიმაც პოდიუმზე ზეაღმართა პიკკოლოს ხელი, მაგრამ მე ჩემსაზე ვდგავარ და ეს საკითხი დახურულია)…

2004 წლის ჯირო დ’იტალიას პოდიუმი

ლეგენდარული ბასკური სკოლის ღირსეული წევრი, ლეგენდარული ბასკური ეუსკატელ–ეუსკადის ჩემთვის დიდათ სამწუხაროთ დაშლის შემდეგ ბრიტანულ სკაიში გადასულმა მიკელ ნიევემ ორჯერ შეუტია.

მიკელ ნიევე – 2011 წელი, ჯირო დ’იტალია 15–ე ეტაპი

ჯერ ფინიშამდე 100–ზე მეტი კილომეტრი იყო დარჩენილი და ტაკტიკურად ჯგუფის ჩამოყალიბება უპრიანი გახდა. შემდეგ კი ფინიშამდე უკვე 35 კილომეტრით ადრე გადამწყვეტი აჩქარება გააკეთა, ამჯერათ მიკელი აღარავის მოშვებას აპირებდა, ამჯერად ის გასამარჯვებლად მიდიოდა და აკი აიღო კარიერაში ჯიროს მეორე გრანტურებზე კი მესამე ეტაპი. აღსანიშნავია რომ წინა გამარჯვებები სახელოვან ბასკს 2010 და 2011 წლებში ქონდა აღებული, შესაბამისად ესპანურ ვუელტაზე და იტალიურ ჯიროზე. ამ გამარჯვებას რასაკვირველია რბოლიდან მისი თანამემამულისა და თანაგუნდელის, სეხნია მიკელ ლანდას რბოლის დატოვებამაც შეუწყო ხელი რადგან კაპიტნის ერთგულ ლეიტენანტს საკუთარი შესაძლებლობების სრულად გამომჟღავნების თავისუფლება მიეცა.

20 May 2016
99th Giro d’Italia
Stage 13 : Palmanova – Cividale nel Friuli
NIEVE Mikel (ESP) Sky, at Valle
Photo : Yuzuru SUNADA

კაპიტნებიც არ ატრიელაბდნენ პედლებს უქმათ, აშკარა იყო, რომ მათ მყარათ ქონდათ გადაწყვეტილი ლუქსემბურგელის ვარდისფერიდან განმოსვა, ახალგაზრდა ბობ იუნგელსისათვის ისედაც დიდი პატივი არის მცირე ხნით სანუკვარი მაისურის ტარება.

20 May 2016
99th Giro d’Italia
Stage 13 : Palmanova – Cividale nel Friuli
JUNGELS Bob (LUX) Etixx – Quickstep, Maglia Rosa, at Crai
Photo : Yuzuru SUNADA

თავიდანვე ვიტყვი რო ის არ შედრკა, არ ანერვიულდა და შეტევის სპონტანურად მოგერიება არ დაიწყო რაც საბოლოოდ გაუთიშავდა კონდიციებს, საკუთარ ტეპზე გადავიდა, რითაც დანაკარგების მინიმიზირება შეძლო და გენერალურ კლასიფიკაციაში მხოლოდ ერთი საფეხურით ჩამოქვეითდა, სამაგიეროთ ახალგაზრდა მრბოლელის თეთრი მაისურის ნომინაციაში პოზიციები გაამყარა. ვნახოთ რა იქნება მომავალში და გაამართლებს თუ არა მასზე დამყარებულ იმედებს, წლევანდელი ჯირო კი მისთვის დიდი მიღწევაა და დიდი ალბათობით კიდე არა ერტხელ ვიხილავთ კონკურენტუნარიანს დიდ რბოლებზე (პროტოგინისტთა შორის).

20 May 2016
99th Giro d’Italia
Stage 13 : Palmanova – Cividale nel Friuli
FUGLSANG Jakob (DEN) Astana
VALVERDE Alejandro (ESP) Movistar
NIBALI Vincenzo (ITA) Astana, at Valle
Photo : Yuzuru SUNADA

შეტევები ვინჩენცო ნიბალიმ დაიწყო, მას ხუან ესტებან ჩავესიც აყვა, ბოლო აღმართზე მეორე ადგილზე მყოფი კოსტა–რიკელი ანდრეი ამადორიც კი ჩამორჩა კაპიტანტა ჯგუფს თუმცა დაღმართზე ისევ წამოეწია რითაც ისტორიაში პირველი კოსტა–რიკელი შეიქნა ვინ ვარდისფერი მაისურში შეიმოსა.

20 May 2016
99th Giro d’Italia
Stage 13 : Palmanova – Cividale nel Friuli
AMADOR Andrey (CRC) Movistar, Maglia Rosa
Photo : Yuzuru SUNADA

ფინიშთან მისულებმა კაპიტნებმა მთამსვლელთა სპრინტიც გვაჩუქეს, რომელშიც ლო სკუალომ იმარჯვა და გენერალურ კლასიფიკაციაში მესამე ადგილზე გადაინაცვლა.

ადგილი	სახელი და გვარი	ქვეყანა	გუნდი	ჩამორჩენა
1	ანდრია ამადორ ბიკკაზაკობა	კოსტა–რიკა	მუვისტარი (ესპანეთი)	0:00 (54:05:50)
2	ბობ იუნგელსი	ლუქსემბურგი	ეტიქს კუიკ–სტეპი (ბელგია)	0:26
3	ვინჩენცო ნიბალი	იტალია	ასტანა პრო (ყაზახეთი)	0:41
4	ალეხანდრო ვალვერდე ბელმონტე	ესპანეთი	მუვისტარი (ესპანეთი)	0:43
5	სტივენ კროისვეიკი	ჰოლანდია	ლოტო ჯუმბო (ჰოლანდია)	0:43
6	რაფალ მაიკა	პოლონეთი	ტინკოფფი (რუსეთი)	1:37
7	ილნურ ზაკარინი	რუსეთი	კატიუშა (რუსეთი)	2:01
8	ხუან ესტებან ჩავეს რუბიო	კოლუმბია	ორიკა გრინ ეიჯი (ავსტრალია)	2:19
9	რიგობერტო ურან ურან	კოლუმბია	კონანდეილი (აშშ)	2:48
10	იაკობ ფულსანგი	დანია	ასტანა პრო (ყაზახეთი)	3:15

დღევანდელ ეტაპს განსაკუთრებულად გამოვყოფდი, ის ურთულესი იქნება და გურმანთა შორის დიდი მოლოდინია, ეტაპის ყველა მახასიატებელი დიდ ბრძოლას გვპირდება.

ჯირო დ’იტალია 2016 – 14–ე ეტაპის ალტიმეტრია

ჯერ ერთი მანძილი, 210 კილომეტრი სამთო ეტაპისათვის მარათონულია.
მეორე ექვსი კატეგორიანი მთა, მათ შორის ბოლო 50 კილომეტრში ჯაუს და ვალპაროლას უღელტეხილები, როგორც აღმასვლა ისე სწრაფდაშვება.
და მესამე ფინალური 5 კილომეტრი საწყის მონაკვეთში მაქსიმალური 19%–იანი სექტორის მქონე უკატეგორიო აღმართით.