მეცამეტე ფრანგული ტრიუმფი 107–ე პრიმავერაზე

19 მარტს იტალიაში გაიმართა ლეგენდარული იტალიური მონუმენტური ერთდღიანი კლასიკა მილანი სან–რემო. წელს პრიმავერას 107–ე ვერსია ვიხილეთ და შორეული 1907 წლის პირველ რბოლაში გამარჯვებულ ლეგენდარულ ლუსიენ პეტიტ–ბრეტონის შემდეგ წლევანდელი ტრიუმფატორი არნო დემარი რიგით მეცამეტე ფრანგია ვინც ეს მოახერხა, აქვე დავძენ რომ მანამდე ბოლო ფრანგმა, ლორან ჟალაბერმა 1995–ში, 21 წლის წინ იმარჯვა.

19 March 2016
107th Milano – Sanremo
DEMARE Arnaud (FRA) FDJ, at Cipressa
Photo : Yuzuru SUNADA

კლასიჩისიმა ველოსპორტში უპრესტიჟულესთა რიცხვს მიეკუთვნება, ყოველწლიური 1910 წლიდან გახდა და საუკუნის მანძილზე ის მხოლოდ სამჯერ 1916, 1944 და 1945 წლებში არ ჩატარებულა. რბოლა ერთ ერთი უგრძესია ანალოგთა შორის, მისი დისტანცია ტრადიციულად 290 კილომეტრს აჭარბებს და ტრადიციულად იღებს რა სტარტს მილანში სან–რემოში სრულდება.

19 March 2016
107th Milano – Sanremo
Smoke Pots
Photo : Yuzuru SUNADA

ტრადიციულად წელსაც მილანში სტარტზე მსოფლიო პელოტონის შესაბამისი სპეციალიზაციის მრბოლელთა ელიტა შეიკრიბა, გამოკვეთილი დანაკლისი შარშანდელი გამარჯვებული გერმანელი ჯონ დეგენკოლბი გახდა, მან ვერ შეძლო რბოლაში მონაწილეობის მიღება.

სარბოლო სტრატეგია მარტივად შეიძლება ასე განვსაზღვროთ, მრბოლელი უმცირესი დანაკარგებით უნდა მივიდეს 264–ე კილომეტრზე მდებარე ჩიპრესას აღმართზე, ის ლიდერთა ჯგუფში გადაიაროს და იყოს ყველაფრისთვის მზად პოჯიო დი სანრემოზე, სადაც საკუთარი სპეციალიზაციის სპეციფიკიდან გამომდინარე უნდა იმოქმედოს.

წელს ძირითადი მოვლენები ფინიშამდე ბოლო 25 კილომეტრის ფარგლებში გაიმართა. ჩიპრესიაზე ჯოვანი ვისკონტიმ შეუტია რომელსაც იან სტენარდი აედევნა. წყვილმა თითქმის 6 კილომეტრიანი აღმართი პირველმა გადალახა და პოჯიო დი სანრემოსკენ დაეშვა, აღმართზე მათი უპირატესობა 10 წამს, დაღმართზე კი 20 წამს გასცდა, რაც რასაკვირველია გადამწყვეტი ვერ იქნებოდა. მდევრებმა დაწინაურებულებს კომფორტული უპირატესობის შექმნის საშუალება არ მისცეს. ვაკეზე გაქცეულებს ჯერ ოსი, მონტაგუტი და საბატინი წამოეწივნენ მოგვიანებით პოჯჯიოს მისადგომებთან კი პელოტონი გაერთიანდა.

19 March 2016
107th Milano – Sanremo
VISCONTI Giovanni (ITA) Movistar
Photo : Yuzuru SUNADA

პოჯიოზე ჯერ ფედიმ შემდეგ კვიატკოვსკიმ შეუტია, შარშანდელმა მსოფლიო ჩემპიონმა მცირე უპირატესობა მოიპოვა კიდეც და საფინიშო დაღმართზე პირველი დაეშვა. მას სამი დიდი ჩემპიონი, ვინჩენცო ნიბალი, ფაბიან კანჩელარა და პიტერ საგანი გამოედევნენ, კვიატოს შანსები მინიმუმამდე შემცირდა. შედეგმაც არ დააყოვნა და ფინალურ კილომეტრზე ყველა ძირითადი პრეტენდენტი ფინიშის ხაზისაკენ გაემართა.

19 March 2016
107th Milano – Sanremo
KWIATKOWSKI Michal (POL) Sky, at Poggio
Photo : Yuzuru SUNADA

გამარჯვების სპრინტის გახსნისას კოლუმბიელი გავერია უხერხული მოძრაობის შედეგათ წაიქცა რითაც გზა ორ უპირველეს ფავორიტ ფაბიან კანჩელარასა და პიტერ საგანს გადაუღობა და მათი გამარჯვება შეუძლებელი გახდა. გახსნილ სპრინტს კი უკვე ვეღარაფერი შეაჩერებდა. დაძაბული ფინიში იმ დღეს ორჯერ დაცემულმა არნო დემარმა მოიგო და როგორც დასაწყისისას ავღნიშნეს ლეგენდარულ რბოლაში გამარჯვებული მეცამეტე ფრანგი გახდა რითაც თავისი სახელი ოქროს ასოებით ჩაწერა ფრანგული და მსოფლიო ველოსპორტის ისტორიაში.

19 March 2016
107th Milano – Sanremo
1st : DEMARE Arnaud (FRA) FDJ
2nd : SWIFT Ben (GBR) Sky
3rd : ROELANDTS Jurgen (BEL) Lotto – Soudal
Photo : Yuzuru SUNADA

არნოსთან ერთად პოდიუმზე ბრიტანელი ბენ სვიფტი და ბელგიელი იურგენ როლანდტსი ავიდნენ.

19 March 2016
107th Milano – Sanremo
1st : DEMARE Arnaud (FRA) FDJ
2nd : SWIFT Ben (GBR) Sky
3rd : ROELANDTS Jurgen (BEL) Lotto – Soudal
Photo : Yuzuru SUNADA

შეძლებისდაგვარად რბოლის გარემოსაც მივაქციოთ ჩვენი ყურადღება, განსაკუთრებულად სადაც გავივლით ვენახს!

19 March 2016
107th Milano – Sanremo
Peloton
Photo : Yuzuru SUNADA

Featured image: Yuzuru SUNADA/www.yuzurusunada.com

Inside post thumbnail image: Yuzuru SUNADA/www.yuzurusunada.com

განსაკუთრებული მადლობა იაპონელ ფოტოგრაფ იუზურუ სუნადას ჩვენს პუბლიკაციებში მისი ნამუშევრების გამოყენების ნებართვისათვის.

Special thanks to the Japanese photographer Yuzuru SUNADA for permission to use his works in our publications.