ოლიმპიადის სატრეკო პროგრამის ბოლო დღეს მედალთა სამი კომპლეკტი გათამაშდა და 16 აგვისტო ოქროს ასოებით ჩაიწერება ბრიტანული ველოსპორტის ისტორიაში.

სამედლო რბოლების რიგი ქალბატონთა ომნიუმის მეექსვე სახეობით გაიხსნა. ქულებზე რბოლის წინ მთავარ ფავორიტს, ბრიტანელ სამგზის ოლიმპიურ ჩემპიონ ლორა ტროტს კომფორტული უპირატესობა ქონდა. ძირითად კონკურენტებთან წინა ხუთი სახეობისას დაგროვილი 24 ქულიანი უპირატესობა მას ტაქტიკური არჩევანის მრავალფეროვან სპექტრში სასურველის მოძების საშუალებას აძლევდა. როგორც რბოლამ გვაჩვენა მთავარი არჩეულ ტაქტიკაში იყო ლორას არ გაეშვა ერთი წრის მოსაგებათ ძირითადი კონკურენტები და ამასთან ქულათა მომატების შესაძლებლობები გამოეყენებინა. უნდა ითქვას ლორამ ბრწყინვალედ გაართვა თავი და რბოლის არცერთ მონაკვეთში არავის არანაირი ეჭვი არ გაჩენია მის წარმატებაში.

 

 

ლორას ბრწყინვალე გამოსვლა ისტორიული შედეგით დაგვირგვინდა, მან კარიერაში მეოთხე ოლიმპიური ოქრო მოიპოვა და ისტორიაში ასეთი მონაგარის მქონე პირველი ბრიტანელი ქალბატონი გახდა!

 

 

შემდეგ ჯერი სპრინტერ ქალბატონებზე დადგა. აქ ორივე სამედლო ფინალში თითო ბრიტანელი მოხვდა. ბრინჯაოსთვის სპრინტი დამაჯერებლად მოიგო ახალგაზრდა შოტლანდიელმა კეტი მარჩანტმა. კეტის გამარჯვებამ ცხადყო რო არცერთი ბრიტანელი რიოს ოლიმპიურ თამაშებზე უმედლოთ არ დაბრუნდება სამშობლოში.

 

 

ოქროს ფინალში გამოცდილმა გერმანელმა, კრისტინა ვოგელმა უშანსოდ დატოვა ბეკი ჯეიმსი და ლონდონში მოპოვებულ ოქროს გუნდურ სპრინტში რიოს პირადიც დაუმატა.

 

 

ბოლო მედალთა კომპლეკტი მამაკაცთა კეირინში გათამაშდა. რბოლაში ორი ფალსტარტი დაფიქსირდა, მსაჯთა გადაწყველილებით ორივე რესტარტზე ყველა სპორტსმენი იქნა დაშვებული, თუმცა სანამ ამას გამოაცხადებდნენ ტემპერატურამ ველოტრეკზე პიკს მიაღწია. საბოლოოდ მესამე სტარტი შედეგიანი გამოდგა.

 

 

მართალია რბოლა უაღრესად ნერვიული იყო მაგრამ ბრიტანელმა ჯეისონ კენიმ დამაჯერებლად გაიმარჯვა.

 

 

ჯეისონის გამარჯვება განსაკუთრებული წნეხის ქვეშ იქნა მიღწეული რითაც მისი ფასი უდაოდ გაათმაგდა. ეს წნეხი მედლის ისტორიულობით იყო გამოწვეული. ეს ჯეისონის მეექვსე ოქროა ოლიმპიურ თამაშებზე რითაც მან ლეგენდარული სერ კრის ჰოის შედეგი გაიმეორა.

 

 

დასკვნის გასაკეთებლათ სატრეკო მედალთა განაწილების ცხრილს შემოგთავაზებთ, რომელიც თვალნათლივ წარმოაჩენს ბრიტანელთა დომინაციას მორიგ ოლიმპიურ თამაშებზე, რამაც უკვე დიდი მითქმა მოთქმა გამოიწვია ველოსამყაროში.

 

ადგილი	ქვეყანა	ოქრო	ვერცხლი	ბრინჯაო	სულ
1	დიდი ბრიტანეთი	6	4	1	11
2	ნიდერლანდები	1	1	0	2
3	გერმანია	1	0	1	2
4	ჩინეთი	1	0	0	1
4	იტალია	1	0	0	1
6	აშშ	0	2	0	2
7	ავსტრალია	0	1	1	2
7	რუსეთი	0	1	1	2
9	ახალი ზელანდია	0	1	0	1

 

 

 

 

Featured image: Yuzuru SUNADA/www.yuzurusunada.com

Inside post thumbnail image: Yuzuru SUNADA/www.yuzurusunada.com

 

განსაკუთრებული მადლობა იაპონელ ფოტოგრაფ იუზურუ სუნადას ჩვენს პუბლიკაციებში მისი ნამუშევრების გამოყენების ნებართვისათვის.

Special thanks to the Japanese photographer Yuzuru SUNADA for permission to use his works in our publications.